प्रियंकाको मोडलिङ मोह

11118051_10153209918831197_1347554311_n

भैरहवाबाट राजधानी पाइला चाल्दै गर्दा उनी १६ की कलिली थिइन् तर महत्वांकाक्षा परिपक्व । राजधानी आएर उच्च शिक्षाबाहेक रंगीन दुनियामा रम्ने उनको सपना अहिले केही हदसम्म पुरा पनि भएको छ । ‘तर, संघर्ष अझै जारी छ’, दुईवटा म्यूजिक भिडियो गरिसकेकी १९ वर्षीया प्रियंका सिंह भन्छिन्, ‘सिनेमा र मोडलिङको व्यवसायिक विकासले थप आशावादी छु ।’

घरकी एक्लो छोरी उनलाई पारिवारिक साथले पनि यस क्षेत्रमा होमिन खासै अप्ठेरो परेन । रंगीन दुनियामा ‘सम्झौता’ शब्द खुब सुन्नु परेपनि प्रियंकालाई कसैबाट शोषित हुनुपर्ने अवस्था आएको छैन् । ‘आफूमा पनि भर पर्ने कुरा हो’, यौन शोषणको जोखिमबारे उनी प्रष्ट छिन् ।

दुई वर्षअघि मानव सुवेदीको कसैले… र त्यसको वर्ष दिनपछि गोपाल बानिया क्षेत्रीको दुई चुल्ठी…बोलको गीतमा मोडलिङ गरेपछि प्रियंकालाई ख्याती होइन, आत्माविश्वास चाहिं बढेछ । ‘अवसर पाए केही गर्न सक्छु भन्ने आत्माविश्वास बढेको छ’, उनले सुनाइन् ।

नाचकी सौखिन प्रियंका अहिले ब्युटिसियन तालिममा व्यस्त छिन् । फूर्सदमा जुम्बा डान्स र फिटनेसतिर उनको समय बितिरहेको छ । अडिसन र फोटो सुटले पनि केही समय लिइरहेको उनले जनाइन् ।

प्रतिक्रिया

सम्बन्धित सामाग्री