नेपाल पत्रकार महासंघ यूकेको भर्चुअल बैठक : के के भए निर्णय ?

लन्डन । नेपाल पत्रकार महासंघ यूके शाखाको भर्चुअल बैठक आगामी कार्यक्रम, सल्लाहकार चयन, सदस्यता विस्तार तथा विविध संस्थागत विषयहरूमा महत्त्वपूर्ण निर्णय गर्दै सकिएको छ ।

शाखाकी अध्यक्ष विमला सेनेको अध्यक्षतामा १६ जुन २०२६ मा सम्पन्न भर्चुअल बैठकले संस्थामा ९ जना सल्लाहकार थप्दै आगामी १० जुलाईमा १५ औं स्थापना दिवस तथा वार्षिक उत्सव कार्यक्रम भव्य रूपमा मनाउनेलगायत निर्णय गरेको हो । सल्लाहकारमा वरिष्ठ पत्रकार भगीरथ योगी, पूर्वअध्यक्ष चिरन शर्मा, श्याम लुइँटेल, दिनेश परियार, पूर्ण गुरुङ, कुशल श्रेष्ठ, प्रजय शुक्ला, नरेश काङ्माङ राई र जयराम तामाङलाई चयन गरेको छ ।

यसअघि संस्थापक अध्यक्ष नवीन पोखरेल तथा पूर्व अध्यक्षहरु नरेश खपांगीमगर र ध्रुवराज अर्याल सल्लाहकार चयन भइसक्नुभएको थियो ।

शाखाले दिएको जानकारी अनुसार बैठकमा ६ जुनमा वेल्समा सम्पन्न नेपाली समुदायसँगको अन्तरक्रिया कार्यक्रमको समीक्षा गरिएको थियो । उक्त कार्यक्रम अत्यन्त सफल, ऐतिहासिक तथा स्मरणीय रहेको निष्कर्ष बैठकले निकालेको छ ।

अन्य निर्णयहरुमा

यूकेका अन्य स्थानहरूमा पनि समुदायसँग अन्तरक्रिया तथा पत्रकारितासम्बन्धी कार्यक्रम आयोजना गर्ने
आगामी १० जुलाई २०२६ मा आयोजना हुने १५ औं स्थापना दिवस तथा वार्षिक उत्सव तयारीबारे विस्तृत छलफल
स्थापना दिवस कार्यक्रममा संस्थापक सम्मान गर्ने कार्यक्रम तय भएकाले हाल सम्पर्कमा नभएका र बेलायत बाहिर भएकालाई पनि सम्पर्क गर्ने प्रयास भइरहेको
आर्थिक व्यवस्थापन तथा स्पोन्सरसीप जुटाउन सामूहिक पहल गर्ने निर्णय
अतिथि निमन्त्रणा गर्न पत्राचारको जिम्मेवारी महासचिव तथा दुई सचिवद्वय विश्वासदीप तिगेला र मन्जु भण्डारीलाई
बैठकमा नयाँ सदस्यता खुला गर्ने विषयमा पनि छलफल ।
इच्छुक व्यक्तिहरूलाई आवेदन दिन सक्ने व्यवस्था गर्ने, पुराना छुटेका वा सदस्यता नपाएका व्यक्तिहरूको शुल्क व्यवस्थापन गर्ने तथा यस विषयमा थप अध्ययन गर्न १५ स्थापन दिवसलगत्तै समिति गठन गर्ने निर्णय
-विविध एजेन्डाअन्तर्गत सचिव मञ्जु भण्डारी खरेल गुल्मी जिल्ला समाज यूकेको अध्यक्ष पदमा निर्वाचित भएकोमा बैठकले बधाई तथा शुभकामना व्यक्त गरेको छ।
कार्यसमिति सदस्य नरेन्द्र नेम्वाङका पिताको निधनप्रति गहिरो दुःख व्यक्त गर्दै शोक प्रस्ताव पारित