बुधबार, असोज १४ २०७७ | Wed, September 30, 2020
नेपालको समय: ११:५१ | UK Time: 07:06

आठौं एल्बमको तयारीमा रुन्चे गायक (अडियोसहित)

वीनेपाली
२०७१ माघ ८ गते २३:००

prakesh poudel

अबुधावी । नाइँ, मलाई त्यही केटी चाहिन्छ.. भन्दै नेपाली संगीत क्षेत्रमा १५ वर्षअघि पाइला चालेका प्रकाश पौडेलले रोजगारीको क्रममा यूएईमा रहेर पनि संगीतलाई भुल्न सकेका छैनन् ।
रुन्चे गायकको रुपमा चिनिने प्रकाश विगत पाँच वर्षदेखि सेन्चुरी कमर्सियल बैंकको प्रतिनिधिका रुपमा यूएईमा काम गर्नुका अतिरिक्त फुर्सदको समयमा गीतसंगीतको सिर्जना, साधना र साप्ताहिक रुपमा आयोजना हुने सांगीतिक कार्यक्रममै गीत गाउन व्यस्त छन् ।
थ्री मच नामको एल्मबको अत्यधिक सफलतापछि प्रकाशले आफ्नो एल्बमको ब्रान्डलाई निरन्तरता दिँदै आठौं एल्बम एट मच रिलिजको तयारीमा छन् ।
आज रातभरि नाचिन्छ.. बोलको गीत लगायत अन्य आठ वटा गीतहरुको कलेक्सन एल्बम आगामी फेब्रुअरीको पहिलो सातामा सार्वजनिक गर्ने प्रकाशले बताएका छन् । भोलि छुट्टी मकै भुट्टी..जस्ता शब्द रहेको प्रकाशको उक्त एल्बममा डान्सिङ, कमेडी, लोक तथा पप गीतहरु रहने उनलेे बताएका छन् ।
आफ्नै शब्द र संगीत रहेको उक्त एल्बममा जेम्स प्रधानले एरेन्जरको भूमिका निर्वाह गरेका छन् । सलाम आलेकुम र हाहाहाहा जस्ता गीतहरुको सफलता र म्युजिक भिडियोको सुटिङ दुबईमै गरिसकेका प्रकाशले यस एल्बमको एक गीतको म्युजिक भिडियो दुबई र अबुधाबीमा सुट गर्ने बताएका छन् । आज रातभरि नाचिन्छ.. बोलको गीतलाई प्रकाशले भेभो नामको म्युजिक साइटमा दर्ता गराएका छन्, भेभोमार्फत् बज्ने यो पहिलो नेपाली गीत भएको उनको दाबी छ ।
अडियो सुन्नुहोस् :

प्रतिक्रिया

सम्बन्धित सामाग्री

फेसबुक