मंगलबार, कार्तिक ११ २०७७ | Tue, October 27, 2020
नेपालको समय: ०६:४८ | UK Time: 01:03

रातभरि प्रेमिकासंग नाच्न चाहने गायक

वीनेपाली
२०७१ साउन २० गते २३:२८

Bhim

 

लन्डन । धेरैको जनजिब्रोमा रह्यो सन्डे मरनिङ लभ यू । प्रेमालापमा रमाइरहेका प्रेमी प्रेमिका

हुन् अथवा वालवालिका देखि वृद्धवृद्धासम्म, एकताका खुब गुनगुनाए यस गीतमा । यही गीतको
टुक्रा  फेसबुक स्ट्याट्समा राखेर दिनको काम शुरुवात गर्नेहरु पनि असंख्य थिए । कतिले
हावा गीत पनि भने, कतिलाई पृथक स्वाद । यू ट्युवमा अहिलेसम्मकै सर्वाधिक हेरिएको सन्डे
मर्र्र्निङले बैंकर गायक भिम निरौलालाई चर्चाको शिखरमा मात्र पुर्याएन, सांगीतिक यात्रा अरु
रफ्तारमा बढाउन उत्प्रेरित पनि गर्यो । तिनै गायक अहिले अर्को खुराक लिएर दर्शक
श्रोतामाझ आइपुगेका छन् । यसपटक पनि रोमाण्टिक गीत नै छाने उनले । डान्सिङ अल द
नाइट…। यू ट्युवमा अपलोड गरेको तीन साता नबित्दै यसलाई हेर्नेको संख्या दुई लाख बीस
हजार नाघिसकेको छ । विशेष गरि तन्नेरीहरु गुनगुनाउन थालिसकेका छन् ।

खासमा गीत चाहिं एउटा रोमाण्टिक मुडमा रहेको एक जना यात्रीसंग केन्द्रित छ । ऊसले
एकजना प्रेमिका पाएको छ र उनीसंग विश्वका १६ देश जस्तो अमेरिका, क्यानाडा,
अर्जेन्टिना अष्ट्रेलिया, न्यूजिल्याण्ड, सिंगापुर, मलेसिया, जर्मनी, बेल्जियम, स्पेन आदि घुम्न
चाहन्छ । न्यूयोर्क सिटी, टोरेन्टो, सिड्नी, क्वालालम्पुर, रोम, ब्रसेल्स्, टोकियो, लन्डन आदि
शहरमा रातभरि प्रेमिकासंग नाच्न लालयित ऊसको सपना गीतमा छताछुल्ल छ । वास्तवमा
त्यो यात्रीले प्रेमिकासंग खुशी बांड्न चाहिरहेको छ । उक्त गीत गायक निरौला आफैंले रचेका
हुन् भने कम्पोज र एरेन्ज पनि आफ्नै । ‘अब नयां नयां गीत पस्किरहन्छु’, एक भेटमा उनी
बडो उत्साहित थिए ।

यो गीत नेपाली र अंग्रेजी दुवैमा छ र दुवै भर्सन यूट्युवमा अपलोड भइसकेको छ । तर,
आर्थिक अभावका कारण नेपाली भर्सनको भिडियो भने बनाउन नसकेको निरौलाले जनाए ।
आर्ट टचेस् आर्ट फिल्मस् कम्पनीले निर्माण गरेको उक्त भिडियोमा सोफी गुडिङ, हिथर रोल्फ,
रोजिना कार्की र भीम निरौला आफैंले खेलेका छन् । रोजिना नेपाली मोडल हुन् भने अरु
दुई ब्रिटिश । छायांकन पाओलो बेनेटाज्जोको छ ।

ग्रीन स्क्रिन र भिज्यूअल आर्ट गरेर बनाइएको उक्त भिडियो लन्डनस्थित क्याम्बरवेल
स्टुडियोमा खिचिएको निरौला बताउंछन् ।

प्रतिक्रिया

सम्बन्धित सामाग्री

फेसबुक