मंगलबार, मंसिर १६ २०७७ | Tue, December 01, 2020
नेपालको समय: ०५:२५ | UK Time: 23:40

शान्ति माया

वीनेपाली
२०७१ भदौ १३ गते २१:०४

गीत

ए… हजूर …..
लाहुरे खसम बिर्सियौ कि तिम्रो शान्ति मायालाई
मलाई छाडी पल्टन गाथ्यौ साहुको ऋण उकास्नलाई
उमेर उन्नासी पुगेछु युद्ध अझै लड्दैछौ कि
खसम मलाई सम्झी अब गाउँ घर फर्कन्छौ कि

खरको छानो चुही सक्यो सिंउदो सबै उडीसक्यो
पर्खाल भित्ता चर्की लड्यो प्रतिक्षा मै उमेर सड्यो
पखेरुमा रोई रहेछु अंधेरीमा ढलिरहेछु
छोरा छैन छोरी छैन बेवारिस परिरहेछु

लाहुरे खसम बिस्र्यौ कि तिम्रो शान्ति मायालाई
मलाई छाडी पल्टन गाथ्यौ साहुको ऋण उकास्नलाई
उमेर उन्नासी पुगें नि युद्ध अझै लड्दैछौ कि
खसम मलाई सम्झी अब गाउँ घर फर्कन्छौ कि

आमा बाबा आउला छोरा भन्दाभन्दै स्वर्ग चढे
नाती नाता देख्ने आशा आशामै धर्ती छाडे
घरखेत सबै साहुकै भो, गैरीबारी समेत गयो
मेरो आशको बिहानीमा गोंधूली साँझले छायो

ए ….. हजुर ……
लाहुरे खसम बिर्सियौ कि तिम्रो शान्तिमायालाई
मलाई छाडी पल्टन गाथ्यौ साहुको ऋण उकास्नलाई
उमेर उन्नासी पुगें नि युद्ध अझै लड्दैछौ कि
खसम मलाई सम्झी अब गाउँ घर फर्कन्छौ कि

LS-Rai

प्रतिक्रिया

सम्बन्धित सामाग्री

फेसबुक