तमु धीं को आयोजनामा आज बेलायतमा २४ औं गोर्खा कप, ५६ टिमबीच प्रतिस्पर्धा हुने

लन्डन । तमु धीं यूकेको आयोजनामा आज (आइतबार) २४ मेमा गोर्खा कपको २४ औं संस्करण हुँदेछ ।

प्रतियोगिता अल्डरसटस्थित क्वीन्स एभिन्यू खेल मैदानमा बिहान ९ बजेबाट सुरु हुने तमु धीं यूकेले जनाएको छ । प्रतियोगितामा ५६ टिम भिड्ने छन् ।

गोर्खा कप संयोजक एवं स्पोर्टस् सेक्रेटरी क्या. दीपक घलेले मेन ३८, भेट्रान १६ र महिला २ टिमले प्रतिस्पर्धा गर्ने जानकारी दिनुभएको छ । उहाँका अनुसार कार्यक्रममा ३ लाख ५० हजार ६५० पाउन्डभन्दा बढी खर्च हुने अनुमान छ ।

विजेतालाई ३ हजार ५ सय पाउन्ड, ट्रफी र सर्टिफिकेट, रनर अपले २ हजार पाउन्ड पुरस्कार पाउनेछन् । यस्तै भेट्रान विजेताले १ हजार ८ सय पाउन्ड साथै महिला टिम विजेता ६ सय पाउन्ड र रनरअपले ४ सय पाउन्ड पुरस्कार पाउने छन् । गोर्खा कप स्थलमा खाना, च्यारिटी, लत्ताकपडालगायत १२६ स्टल रहने जनाइएको छ ।

तमु धीं यूके अध्यक्ष जुमकाजी गुरुङले गोर्खा कपको तयारी लगभग सकिएको भन्दै उक्त दिन उपस्थित हुन बेलायतवासी नेपालीलाई अनुरोध गर्नुभयो ।

यी हुन् आजका प्रतिस्पर्धी टिम