सत्तारुढ गठबन्धनले टुङ्ग्याए महानगरको भागवण्डा

काठमाडौं । सत्तारुढ दलहरु महानगरपालिकाको भागबण्डा गर्ने विषयमा सहमतिमा पुगेका छन् । आज बालुवाटारमा बसेको सत्तारुढ दलको बैठकमा सो सहमति जुटेको हो । 

बैठकमा सहभागी नेकपा माओवादी केन्द्रका नेता वर्षमान पुनका अनुसार महानगरपालिका विगतमा जसले जितेको छ उसैलाई दिने निर्णय भएको छ । जसमा विराटनगर र ललितपुर काँग्रेसको नेतृत्वमा, भरतपुर माओवादी केन्द्र, पोखरा नेकपा एकीकृत समाजवादी र वीरगन्ज जनता समाजवादी पार्टीको नेतृत्वमा चुनावमा जाने गठबन्धनले निर्णय गरेको छ । काठमाडौँ महानगरपालिका काँग्रेसको भागमा परेको छ।

आजै उपमहानगरपालिकाको पनि टुंगो लगाउने पुनले जानकारी दिए ।