एनआरएनए युकेले नयाँ नेतृत्वका लागि आज निर्वाचन मिति तय गर्ने

लण्डन । गैरआवासीय नेपालीसंघ (एनआरएनए ) युके आज शुक्रबार बस्न लागेको कार्यसमितिको पुर्ण बैठकले निर्वाचन मिति तयलगायतका महत्वपुर्ण बिषयमा निर्णय गर्ने भएको छ । शुक्रबार साँझ भर्चुअल रुपमा बस्न लागेको कार्यसमितिको पुर्ण बैठकले निर्वाचन मिति, निर्वाचन समिति गठन र सदस्यता प्रमाणिकरणउक्त एजेण्डामा छलफल गरि निर्णय लिन लागेको हो ।

एनआरएनए युके अध्यक्ष पुनम गुरुङले कार्यसमितिका सदस्यहरुलाई पठाएको बैठक एजेण्डामा संस्थाको निर्वाचन मिति, निर्वाचन समिति गठन, सदस्यता प्रमाणिकरण, राज्य समन्वय परिषद, निर्वाचन प्रक्रियालगायतका बारेमा रहेको एक सदस्यले बताए । बैठक साँझ ६ बजेर ३० मिनेटमा भर्चुअल जुममा बस्नेछ ।