बेलायतमा ३२ ट्रेनिङ पार्टी क्यूजीईको वार्षिक भेटघाट [हेरौं १४ तस्बिर]

लन्डन । बेलायतमा ३२ ट्रेनिङ पार्टी क्यूजीईका नम्बरी पार्टीको वार्षिक भेटघाट कार्यक्रम सम्पन्न भएको छ ।

अल्डरसटस्थित ठमेल रेस्टुरेन्ट एन्ड बारमा शनिबार २ मेमा उक्त कार्यक्रम सम्पन्न भएको हो । कार्यक्रममा वेल्स, मेडस्टोन, बर्मिङघमलगायत क्षेत्रबाट नम्बरीहरुको उपस्थिति रहेको थियो ।

कार्यक्रममा भुमर्कोट समाज यूकेको अध्यक्ष चयन भएका दिपक गुरुङ र मगर संघ वेल्सको अध्यक्षमा चयन भएका नम्बरी रुद्र रानालाई क्रेगी लगाई बधाई दिइएको थियो ।

तमु धीं यूकेका अध्यक्ष जुमकाजी गुरुङ, आमा समूहकी अध्यक्ष कमला देवी गुरुङ, कम्युनिटी काउन्सिल अफ ब्रेकनका काउन्सिलर महादेव थापा र उहाँकी श्रीमतीलाई खादा लगाई बधाई दिइएको थियो । सिनियर दर्जामा पुगेका नम्बरी मेजर धन चन्द र उहाँकी श्रीमतीलाई पनि खादा लगाई बधाई दिइएको थियो ।

कार्यक्रममा लोकप्रिय लोक दोहोरी गायिका निरा थापा मगरले सांगीतिक प्रस्तुति दिनुभएको थियो ।

परशु गुरुङले संचालन गरेको कार्यक्रममा ३६६५ टेकन्सिंग गुरुङले स्वागत मन्तव्य राख्नुभएको थियो । दिउँसो १२ बजेबाट शुरु भएको कार्यक्रम साँझ ८ बजे समापन गरिएको थियो ।

तस्बिर सौजन्य : परशु गुरुङ