बेलायतमा नेपाली दम्पती नै काउन्सिलर निर्वाचित

लन्डन । बेलायतमा नेपाली दम्पती नै कान्सिलर निर्वाचित भएका छन् ।

शुक्रबार दिउँसो सार्वजनिक मत परिणाम अनुसार लन्डन रोयल ग्रीनवीच बरोको प्लमस्टेड एन्ड ग्लिन्डनमा पूर्वमेयर जीत रानाभाट र एबिउड वार्डमा रानाभाट पत्नी गौमाया गुरुङ रानाभाट काउन्सिलर निर्वाचित हुनु भएको हो ।

जितले १ हजार ६१० मत प्राप्त गरी निर्वाचित हुनुभ‍यो । सन् २०२२ मा पहिलोपटक काउन्सिलर निर्वाचित उहाँले यसअघि उक्त बरोको मेयर तथा सोही बरोको मेयर तथा उपमेयर जिम्मेवारी सम्हालिसक्नुभएको छ । यस्तै गौमायाले १ हजार २९२ मत प्राप्त गर्नुभएको छ ।

रानाभाट दम्पती दुवै लेबर पार्टीका हुनुहुन्छ ।