लन्डन । मदनकृष्ण श्रेष्ठ, हरिवंश आचार्य (मह जोडी) लगायत कलाकार सम्मिलित मह यात्रामा सहभागी लोकगायक बद्री पंगेनीलाई आयोजकले हेपेका छन् ।
बेलायतमा आयोजित मह यात्रामा गायिका अन्जु पन्तको भिसा नलागेपछि उनको ‘रिप्लेस्मेन्ट’ मा बोलाइएका गायक पंगेनीलाई आयोजकले धन्यवाद समेत नभनेका हुन् ।
महयात्रा सम्पन्न भएपछि कार्यक्रम संयोजक कुल आचार्यले एक विज्ञप्ति प्रकाशित गर्दै मह यात्रामा संलग्न मह जोडी, नरेन्द्र कंसाकार, मोहित आचार्य, मिडिया, प्रायोजक र अन्य सबै सहयोगीलाई कृतज्ञता व्यक्त गरे तर धेरै दर्शक बटुल्ने गायक पंगेनीको भने एक शब्द पनि उच्चारण गरेनन् । संयोजक आचार्यले आफ्नो फेसबुकमा उक्त प्रेस विज्ञप्ति अपडेट गरेपछि गायक पंगेनीले कमेन्ट्स गर्दै ‘दाइ उक्त कार्यक्रममा तपाईंले भुलेपनि एउटा सानो गायक बद्री पंगेनी पनि थियो है’ भनेका छन् । बरु, पंगेनीले उल्टै आयोजकलाई धन्यवाद दिएका छन् । आचार्यले भने पंगेनीको जवाफ दिएका छैनन् ।
गायक पंगेनीले वी नेपाली डट कमसँग कुरा गर्दै आयोजकले वास्ता नगरेकामा दुःख लागेको बताए । आयोजकहरुले भुलेपनि मह यात्रामा सहभागी भएर दर्शकको माया बटुल्न सकेकोमा खुशी नै थिए पंगेनी । अल्डरसट, ह्यारो, उलीच र फोकस्टोनमा आयोजित महयात्रामा पंगेनीको लोक गायनलाई धेरैले रुचाए । उनका अझै लन्डन, स्कटल्याण्ड लगायत ठाउँमा आधा दर्जन बढी कन्सर्ट हुँदैछन् ।
नेपालमा प्रतिनिधिसभा निर्वाचन : प्रत्यक्षतर्फ सबै नतिजा सार्वजनिक, कुन दलका उम्मेदवारले कहाँ जिते ? [नामावली]
सिरुबारी नाँसा बेलायतको भेटघाट कार्यक्रम सम्पन्न
नेपालमा प्रतिनिधिसभा निर्वाचन : समानुपातिकतर्फ एक करोड तीन लाख मतगणना सकियो
बेलायतमा काउन्सिलसँगको सहकार्यमा जीआरएनसीले मनायो अन्तर्राष्ट्रिय नारी दिवस
गोरखा–१ मा रास्वपाका सुधन गुरुङ विजयी
नेपालमा प्रतिनिधिसभा चुनावपछि बन्ने सरकारसँग मिलेर काम गर्न तयार छौं : बेलायत
इरान आक्रमणप्रति चीनको असहमति
एनआरएनएद्वारा मध्यपूर्वका नेपालीको सुरक्षा तथा आपतकालीन समन्वयका लागि सरकारको ध्यानाकर्षण
एनआरएनएको घोषित निर्वाचन कार्यतालिका तत्काल स्थगन गर्न शेरचनको माग
नेपालमा प्रतिनिधिसभा निर्वाचन परिणाम : रास्वपा ११, कांग्रेस ४ र नेकपा २ स्थानमा निर्वाचित
