युरोपेली युनियनले अझै हटाएन नेपाली वायुसेवामाथिको प्रतिवन्ध

लन्डन । सुरक्षा कारण दर्शाउंदै युरोपेली युनियन (इयू) ले दुई वर्ष अघि नेपाली वायुसेवामाथि लगाएको प्रतिवन्ध अझै हटेको छैन् । इयूले नेपालको नागरिक उड्ययन प्राधिकरणले सुरक्षा चासोलाई सम्वोधन गर्न नसकेको जनाउंदै नेपाली एयरलाइन्स्हरुलाई २८ युरोपेली मुलुकमा उड्न लगाएको प्रतिवन्ध जारी राखेको हो । इयूले सन् २०१३, डिसेम्बर ५ मा पहिलो पटक नेपाली वायुसेवालाई कालोसूचीमा राख्दै उडानमा 
प्रतिवन्ध लगाएको थियो ।

गत १२ डिसेम्बर, २०१५ मा इयू मुख्यालयमा भएको हवाइ सुरक्षा समितिका पदाधिकारीहरुको बैठकले प्रतिवन्ध जारी राख्ने निर्णय गरेको हो । अन्तर्राष्ट्रिय नागरिक उड्ययन संगठन (आइकाउ) ले नेपालको उड्ययन सुरक्षा विश्वसनीय रहेको नजनाएसम्म युरोपेली उड्ययन एजेन्सीले नेपाललाई कालो सूचीबाट हटाउन नसकिने स्पष्ट पार्दै आएको छ । नेपालका प्रमुख वायु सेवा कम्पनीहरुले भने आफूहरुले आइकाउ र इयूको आवश्यक मापदण्ड पुरा गर्न सक्ने जिकिर गर्दै आएका छन् ।

इयू उड्ययन सुरक्षा सवालमा विश्वमै विश्वसनीय मानिन्छ ।

प्रतिवन्ध लगाइएका नेपालका वायु सेवाहरु ः