सितारामको शब्द रचनामा ‘वीर गोर्खाली लाहुरेको तक्मा छ’गीत सार्वजनिक

लन्डन । सिताराम परियारको शब्द रचनामा मौलिक भाकाको लोक गीत‘वीर गोर्खाली लाहुरेको तक्मा छ’सार्वजनिक भएको छ ।

उक्त गीत आइतबार गायक शीतल गुरुङको युट्युब च्यानलबाट सार्वजनिक भएको हो । उक्त गीतमा शीतल र निशा गुरुङको आवाज रहेको छ । शीतलले संगीत पनि भर्नुभएको छ ।

म्युजिक भिडियोमा चर्चित गायकसमेत रहनुभएका रामजी खाँड, जुना विश्वकर्मा, बविन सिंह ठकुरी र प्रीति गुरुङले अभिनय गर्नुभएको छ । निर्देशन मौसम हिमाली र सिनेमाटोग्राफर उत्सव दाहालको रहेको छ ।