लन्डन । एफसी तोङ्बालाई स्तब्ध पार्दै ब्रीगेड ब्वाइज् क्लब (बीबीसी) ले १७औँ रेडिङकप फुटबल प्रतियोगिताको उपाधि उचालेको छ ।
ग्रेटर रेडिङ नेपाली कम्युनिटीद्वारा रेडिङको पाल्मर पार्कमा शनिबार आयोजित प्रतियोगिताको फाइनल खेलमा एफसी तोङ्वालाई टाइब्रेकरमा स्तब्ध पार्दै बीबीसीले उपाधि जितेको हो । उपाधिसँगै बीबीसीले २ हजार २४ पाउन्ड नगद, कप, ट्रफी र प्रमाणपत्र प्राप्त गर्यो । उपविजेता एफसी तोङ्वाले १ हजार २४ पाउन्डका साथ ट्रफी र प्रमाणपत्रमा चित्त बुझायो । मुख्य (युवा) विधामा १६ टिम सहभागी थिए ।
भेट्रानतर्फ नखिपोट एफसीले विजेता बन्दै १ हजार २५ र इन्टेक ०४ उपविजेता बन्दै ५२४ पाउन्ड नगदसहित पुरस्कार प्राप्त गरे ।
सुपर भेट्रानमा विजेता केनी एफसीले ५२४ तथा उपविजेता भएको इलाम एफसीले ३२४ पाउन्ड प्राप्त गरेका थिए । त्यसअघि, प्रतियोगिताको उद्घाटन प्रमुख अतिथि लन्डनस्थित नेपाली दूतावासका कार्यवाहक राजदूत रोशन खनालले हुनुहुन्थ्यो । उद्घाटनमा काउन्सिलर राजेश सिंह, समाजका अध्यक्ष भिमसेन खड्का, पूर्वअध्यक्ष महेश गुरुङ पनि उपस्थित हुनुहुन्थ्यो ।
विजेता तथा उपविजेतालाई समाजका अध्यक्ष भिमसेन खड्का, इभेन्ट संयोजक एवं उपाध्यक्ष डा. भरत पौडेल, सल्लाहकार विश्वआदर्श पण्डित, पूर्वअध्यक्षहरू महेश गुरुङ, अर्जुन बस्नेत, टेक गुरुङ, उपाध्यक्षहरू प्रेम गुरुङ, सुरेशजङ थापा, यादव श्रेष्ठ, कल्पना पण्डित, सल्लाहकार रामेश्वर थापा, र्याप डिस्ट्रिब्युसनका मुबिन अहमद, जस्ट मोमोका विलास लामिछाने, उत्तम रिजाललगायतले पुरस्कार वितरण गर्नुभयो ।
यस्ता छन् एनआरएनएको नयाँ कार्यसमितिको पहिलो बैठकका निर्णयहरु
एनआरएनए आईसीसीको नयाँ कार्यसमितिमा बेलायतबाट अध्यक्ष र प्रवक्तासहित १० जना निर्वाचित
द्वन्द्वका कारण विस्थापन र भोकमरी दुबै बढ्दै : संयुक्त राष्ट्र
नेपाल पत्रकार महासंघ यूकेले आगामी १० जुलाईमा स्थापना दिवस मनाउने
एनआरएनए प्रवक्ताको जिम्मेवारी सोम सापकोटालाई
भूतपूर्व गोर्खा समस्याबारे लन्डनमा सोमबार फेरि त्रिपक्षीय वार्ता हुने
एनआरएनएको नयाँ नेतृत्वका लागि डा. शर्मा, बज्राचार्य र शेरचनको उम्मेदवारी [सूची]
युद्ध अन्त्यका लागि इरानका तीन शर्त
बेलायती मन्त्री सीमा मल्होत्रासँग नेपाली कार्यवाहक राजदूत विपिन दुवाडीको भेटवार्ता
नेपाल आदिवासी जनजाति महासंघको ११औँ महाधिवेशन चैत ५ र ६ मा हुने
