हङकङकी प्रमुख प्रशासक क्यारी लाम आगामी निर्वाचनमा नउठ्ने

हङकङ। हङकङकी नेतृ क्यारी लामले दोस्रो कार्यकालका लागि उम्मेदवारी नदिने घोषणा गर्नुभएको छ ।

विवादले भरिएको पहिलो कार्यकालको पृष्ठभूमिमा उहाँले आफू दोस्रो कार्यकालका लागि प्रतिस्पर्धामा नजाने घोषणा गर्नुभएको हो ।

उहाँ हङकङकी प्रमुख कार्यकारी निर्वाचित भएपछि आफ्नो कार्यकालभरी हङकङमा विपक्षी समूहहरूले उहाँमाथि विभिन्न आरोप लगाउँदै ठूलो प्रदर्शन भएको थियो ।

६४ वर्षीया लाम सन् २०१७ मा हङकङको नेतृत्वमा आएकी थिइन् ।

आफ्नो परिवारलाई समय दिनका लागि दोस्रो कार्यकाल सेवामा नरहने उहाँले बताउनुभएको हो ।

हालका प्रमुख सचिव जोन लीले लामको स्थान लिने अनुमान गरिएको छ ।

१५ सय जना रहेको एक कमिटीले हङकङको प्रमुख कार्यकारी चयन गर्ने परम्परा रहेको छ ।

उनीहरुले आउँदो महिना (मे) मा नयाँ नेता चयन गर्नेछन् ।