भारतको नयाँ विदेश सचिवमा क्वात्रा

काठमाडौं । नेपालका लागि भारतीय राजदुता विनयमोहन क्वात्रा भारतको नयाँ विदेश सचिवमा नियुक्त भएका छन् ।

नेपालका लागि भारतीय राजदूत रहेका क्वात्रालाई सोमबार विदेश सचिव  नियुक्त गरिएको हो ।

अहिलेका सचिव हर्षवर्द्धन श्रृंगलाले अवकाश पाएपछि क्वात्रा विदेश सचिव हुनेछन् ।

क्वात्रा दुई वर्षअघि नेपालको राजदूत नियुक्त भएका थिए ।

नेपाल आउनुअघि क्वात्राले विदेश मन्त्रालय र प्रधानमन्त्री कार्यालय, अमेरिकास्थित भारतीय दूतावासमा काम गरेका थिए।