कीर्तिमानी आरोही निर्मल पुर्जालाई इस्टली काउन्सिलको उच्च सम्मान

लण्डन । कीर्तिमानी पर्वतारोही निर्मल पुर्जालाई बेलायतमा उनी बसोबासरत रहेको काउन्सिलले उच्च सम्मान दिने भएको छ ।

इस्टली बरो काउन्सिलले पुर्जालाई ‘द फ्रिडम अफ द बरो अफ इस्टली’ सम्मान दिने निर्णय गरेको हो ।

पूर्व गोरखा सैनिक रहेका पुर्जा स्थानीय नेपाली समुदायको पनि सदस्य रहेका छन् । उनलाई काउन्सिलले ‘पर्वतारोहण समुदायको प्रख्यात व्यक्ति’ का रुपमा चित्रित गरेको छ । उनले ८ हजार मिटरमाथिका १४ वटा हिमाल ६ महिना ६ दिनमा आरोहण गरेका थिए । यसअघि ती हिमालहरु चढ्न ८ वर्ष लागेको थियो ।

काउन्सिलको यही साता बसेको वार्षिक पूर्ण बैठकले पुर्जालाई ‘द फ्रिडम अफ द बोरो अफ इस्टली’ को सम्मान दिने निर्णय गरेको हो ।

पुर्जालाई उनले पर्वतारोहण साथसाथै सामाजिक सेवामा पुर्याएको योगदानका लागि एमबीई प्रदान गरिएको थियो ।

काउन्सिलको बैठकले स्टान नेवेल, मेलानी फिलिप्स र पाट स्टाथामलाई पनि नागरिक सम्मान दिने निर्णय गरेको छ ।

सबै अवार्डहरु काउन्सिलका मेयर काउन्सिलर सिन्थिया गार्टोनले शरदमा प्रदान गर्नेछिन् ।

काउन्सिलले पचासौँ वार्षिकोत्सवका अवसरमा १९८६ मा नागरिक सम्मान खडा गरेको थियो ।

ती अवार्डहरु हरेक दुई वर्षमा ती अवार्डहरु स्थानीय समुदायमा लामो र उदाहरणीय कार्य गर्ने व्यक्तिहरुलाई दिने गर्दछ ।

प्रतिक्रिया

सम्बन्धित सामाग्री