एनआरएनए युके निर्वाचन : सदस्य संख्या पहिले भन्दा घट्ने संकेत !

लण्डन । गैरआवासीय नेपाली संघ (एनआरएनए) युकेको सदस्यता ड्राइभलाई अध्यक्ष पदका उम्मेदवारहरुले तीव्र बनाए पनि विगतको तुलनामा सदस्य संख्यामा कमि आउने अनुमान गरिएको छ । करीव १४ हजार पंजिकृत सदस्य संख्या रहेको एनआरएनए युकेमा यस पटक सदस्य संख्या घट्ने अनुमान धेरै ले गरेका हुन् ।

कोभिड -१९ का कारण पंजिकृत सदस्य संख्यामा कम आउने अनुमान गरिएको हो । नयाँ सदस्यताका लागि आवेदन दिन २० दिन वाँकी हुदा करीव एक हजार व्यक्तिको सदस्यताका लागि आवेदन परेको छ । नयाँ सदस्यताका लागि आवेदन दिन २० दिन वाँकी रहँदा करीव एक हजार व्यक्तिको पंजीकृत सदस्यका लागि आवेदन परेको छ ।
झन्झटिलो अनलाइन प्रणाली, कोरोना संक्रमण र एनआरएनए युके भित्रको आर्थिक अनियमितता विवाद र मुद्दा मामलाका कारण धेरै युकेबासी नेपालीले पंजिकृत सदस्यका लागि आवेदन नदिएको अध्यक्ष पदका एक उम्मेदवारले  नेपाली समुदायसँगको भेटघाटपछिको अनुभव सुनाए । उनका अनुसार विगतको जस्तो एनआरएनप्रति नेपाली समुदाय सकारात्मक नभएको पाएको छु ।

यद्यपी कोभिड-१९ संक्रमण दर घट्न थालेपछि बेलायत सामान्य अवस्थामा फर्कदै गर्दा चार अध्यक्ष पदका उम्मेदवारहरुले नेपाली संघसंस्थाका अगुवाहरु सँग भेटघाट सुरु गरेका छन । बेलायतभर रहेका स्थानिय संघ संस्थाहरुका अगुवाहरु मार्फत नयाँ सदस्य लिइदिन अनुरोध गरेका छन । अनलाईन फारम भर्नका लागि अध्यक्ष पदका प्रत्यासी प्रेम गाहामगरले १५ स्थानमा कार्यालय स्थापना गरेका छन । ति कार्यालयहरु मार्फत एनआरएनए युकेको सदस्य बनाउने काम सुरु भैसकेको छ । उनले आउने सातामा सदस्य संख्या बृद्धि हुदै जाने बताए । ‘बढी भन्दा बढी नेपाली समुदायलाई एनआरएनए युकेको सदस्य बनाउने लक्ष्य छ’, उनले भने । वर्तमान उपाध्यक्ष गाहामगरले चुनावी कमाण्डरका रुपमा पुर्व उपाध्यक्ष शेर सुनारलाई अघि सारेका छन ।

यता, अर्का अध्यक्षका प्रत्यासी सुनिल वावु खड्काले सदस्यता बनाउने कार्य जारी राखेको बताए । कोभिड संक्रमणका कारण घरबाटै सामाजिक अगुवाहरुलाई सम्पर्क गरि नयाँ सदस्यताको आवेदन गर्न आग्रह गरिरहेका छन । अर्का अध्यक्षका प्रत्यासी रोजिना प्रधान राईले सदस्यता बनाउने अभियानमा निस्किएकी छिन । मिडल्याण्डमा आफ्नो अभियान जारी रहेको उनले बताएकी छिन । अर्का अध्यक्षका प्रत्यासी दीपक श्रेष्ठ स्कटल्याण्ड पुगेका छन । आफ्नो टिमसहित स्टकल्याण्ड पुगेका श्रेष्ठले निर्वाचन अभियानलाई तीव्र पारेका छन ।
एनआरएनए युके पहिलो पटक अनलाईन सदस्यतामा प्रवेश गरेकाले कति सदस्यहरुले यस पटक नयाँ कार्यसमितिका चयनका लागि सदस्यता फारम भर्ने हो त्यो अनुमान गर्न सकिएको छैन । आगामी २०२१-२०२३ को नयाँ कार्यसमिति चयनका लागि आगामी जुलाई ३१ तारिखमा निर्वाचन हुँदैछ । आगामी जुन १० भित्र संघले तोेकेको एमआइएस सिस्टममा दर्ता भएका सदस्यहरुले मात्रै नेतृत्व चयन प्रक्रियामा सहभागी हुन पाउने छन् । त्यसपछि पनि सदस्यता लिन सक्ने भएपनि उनीहरुले नेतृत्व चयन प्रक्रियामा भने सहभागी हुन पाउने छैनन् ।