सोमबार, जेठ ३१ २०७८ | Mon, June 14, 2021
नेपालको समय: ०७:२० | UK Time: 02:35

तत्काल अक्सिजन सिलिन्डर नेपाल पठाउन जुट्यो दुताबास र एनआरएनए युके

वीनेपाली
२०७८ जेठ १ गते २०:३५

लण्डन । गैरआवासीय नेपाली संघ (एनआएनए) युकेले कारोेना संक्रमणको महामारीमा परेको जन्मभुमि नेपाललाई अक्सिजन सिलिन्डरसहित स्वास्थ्य सामग्री पठाउने भएको छ । शनिवार बेलायतका लागि नेपाली राजदुत लोकदर्शन रेग्मी तथा नेपाली संघसंस्थाहरुको सहयोग र समन्वयमा उक्त सिलिन्डरसहितका सामग्री पठाउने निर्णय गरेको हो ।
भर्चअल रुपमा जुम मार्फत भएको छलफलमा नेपालमा अस्पतालमा अक्सिजन, भेन्टिलेटर, आइसियु वेड र खोपका लागि दीर्घकालिन पहल गर्ने समझदारी बनेको छ । राजदुत रेग्मीले राखेको एक सय अक्सिजन सिलिन्डरको प्रस्ताव माथि सहमति जनाउदै सामाजिक अभियन्ताहरु, व्यवसायीहरु तथा संघसस्थाहरुले आर्थिक प्रतिबद्धता व्यक्त गर्न थालेका छन । एक अक्सिजन सिलिन्डरको करीव ७ सय पाउण्ड लाग्ने अनुमान गरिएको छ ।
राजदुत रेग्मीले नेपालमा लाग्ने भन्सार छुटलगायतका सरकारसँग समन्वय गर्न काम आफुले गर्ने प्रतिबद्धता व्यक्त गरे । नेपाल पठाउने स्वास्थ्य सामग्रीहरुका लागि सामाजिक अभियन्ताहरु, व्यवसायीहरु र संघसंस्थाहरुका तर्फबाट प्रतिबद्धता जनाउने कार्य जारी रहेको महासचिव फडिन्द्र भट्टराईले जनाए ।
यसअघि शनिवार नै परराष्ट्रमन्त्री प्रदिप ज्ञवालीले ज्ञवालीले नेपाली राजदूतहरुलाई सहयोगका पहल गर्न नै प्रत्यक्ष रूपमा निर्देशन दिएका थिए । उनले मुलुकमा अक्सिजन सिलिन्डरसहित अन्य स्वास्थ्य सामग्रीहरुको अभाव हुन थालेकाले सकेसम्म ती सामग्री सहयोगका लागि अन्तर्राष्ट्रिय सहकार्य गर्नुपर्ने मन्त्री ज्ञवालीको भनाई थियो ।

प्रतिक्रिया

सम्बन्धित सामाग्री

फेसबुक