तस्वीर न्यूज सपर
लण्डन । दक्षिण पूर्वी लण्डनको प्लमस्टिडमा फेला परेका एक पुरुषको पहिचानमा सहयोग गर्न प्रहरीले अनुरोध गरेको छ ।
ग्रीनवीच मेट पुलिसले ती व्यक्तिको अक्सिजन लिइरहेको फोटो बुधबार सार्वजनिक गर्दै सर्वसाधारणलाई उनको थप परिचयका लागि अनुरोध गरेको हो ।
स्थानीय न्यूजसपर अनलाइनले ती व्यक्ति नेपालबाट आएको हुनसक्ने प्रहरीको अनुमान रहेको उल्लेख गरेको छ ।
ती व्यक्ति अहिले अस्पतालमा रहेको बताइएको छ तर कुन अस्पताल भन्ने प्रष्ट खुलाइएको छैन ।
उनको बारेमा जानकारी हुने जो कसैले प्रहरीको ९९९ नम्बरमा फोन गरी रिफरेन्स नम्बर सिएडी २६६८ अप्रिल १४ २१ मा जानकारी दिन अपील गरिएको छ ।
