बेलायती महारानीलाई पति शोक

लण्डन । बेलायती महारानीका पति प्रिन्स फिलिपको ९९ वर्षको उमेर निधन भएको छ ।

बीबीसीले बेलायती राजदरबारलाई उदधृत गर्दै उनको शुक्रबार निधन भएको जनाएको छ ।

महारानी एलिजावेथसित उनको सन् १९४७ मा विवाह भएको थियो । त्यसको पाँच वर्षपछि एलिजावेथ द्वितीयालाई महारानी घोषणा गरिएको थियो ।

प्रिन्स फिलिप र महारानी एलिजावेथका तीन पुत्र र एक पुत्री छन् भने आठ नातिनातिना र १० पनाति पनातिनी छन् ।

उनको जन्म सन् १९२१ मा ग्रीसको कोर्फुमा भएको थियो ।