गोरखाको समस्याबारे संसदीय समितिमा छानविन गर्न हस्ताक्षर संकलन

लण्डन । गोरखा भूतपूर्व सैनिकहरुको पेन्सन लगायतका समस्याका बारेमा संसदीय समितिमार्फत जाँचबुझ गर्न दबाब दिन हस्ताक्षर संकलन शुरु गरिएको छ ।

ब्रिटिश गोरखा वेलफेर सोसाइटी (बिजीडब्ल्यूएस) को पहलमा शुरु गरिएको सो हस्ताक्षर अभियानमा यो समाचार तयार पार्दासम्ममा करिब २ हजार १०० ले हस्ताक्षर गरिसकेका छन् ।

डब्ल्यूडब्ल्यूडब्ल्यू डट चेन्ज डट ओआरजीमार्फत बनाएको वेभ पेजमा गोरखाहरुको समस्याका बारेमा छानविन गर्न सरकारलाई दबाब दिन हस्ताक्षर गर्न सकिन्छ ।

हस्ताक्षरका लागि आह्वा गरिएको पेजमा गोरखाहरुलाई समान पेन्सन दिनका लागि गोरखाहरुले लामो समयदेखि माग गरिरहेको भए पनि सन् २०१७ मा आएर गोरखाहरुलाई गोरखा पेन्सनबाट आर्म्ड फोर्सेज पेन्समा पेन्सन सार्दा उनीहरुलाई पूरा सुविधाहरु नदिइएको तर्क गरिएको छ । यस्तै, सन् १९९७ भन्दा अघि सेवाकाश पाएका गोरखा सैनिकहरुलाई समान पेन्सन नदिइएको बताइएको छ ।

गोरखाहरुमाथिको असमानताका कारण रसमुर काउन्सिल र अन्यत्र बसोबास गरिरहेका गोरखा र उनीहरुका परिवारहरुमा अफ्ठेरो परिरहेको पनि बताइएको छ ।

हस्ताक्षरमा भाग लिन यहाँ क्लीक गर्नुहोला