गोरखा भूतपूर्व सैनिकहरुको पेन्सन यो वर्ष कति हेरफेर भयो ?

लण्डन । बेलायत सरकारले हरेक वर्षको अप्रिल महिनामा गोरखा भूतपूर्व सैनिकहरुले पाउँदै गरेको पेन्सन हेरफेर यसवर्ष पनि जारी राखेको छ ।

बेलायती रक्षा मन्त्रालयका अनुसार यस वर्ष नेपालमा बढेको महंगीलाई समायोजन गर्न २.९३ प्रतिशत पेन्सन वृद्धि गरिएको छ ।

जसअनुसार सबैभन्दा कम पेन्सन थाप्नेहरुले अप्रिल १ देखि २३ हजार ६४७ रुपियाँ ५१ पैसा भारतीय रकम बराबरको पेन्सन पाउने छन् ।

बेलायतले भारतीय सेनाको पेन्सनलाई आधार बनाएर गोरखाहरुलाई पेन्सन दिने भएकाले अहिले बढेको पेन्सन पनि भारतीय मुद्रामा नै छ । जसलाई अहिलेको प्रचलित सटही दर अनुसार १ भारतीय मुद्राको १.६ नेपाली रुपियाँ हिसाब गरिएको छ ।

उता नेपालमा मुद्रा स्फितिको आधार भने नेपाल राष्ट्र बैँकको ग्राहक मूल्य सूचीलाई बनाइएको बताइएको छ ।

नयाँ पेन्सन दरको पूर्ण विवरण यहाँ क्लिक हेर्नुहोस् ।