लण्डन । गैरआवासीय नेपाली संघ (एनआरएनए) युके इंग्ल्याण्ड राज्य समन्वय परिषद्ले बेलायतमा आज आइतबार हुने जनगणनामा सहभागी हुन र सघाउन संघसस्थाहरुसहित नेपाली समुदायलाई आग्रह गरेको छ । संयुक्त अधिराज्य बेलायतका इंग्ल्याण्ड, स्कटल्याण्ड, वेल्स र नर्दन आयरल्याण्डस्थित नेपाली समुदायलाई उत्साहपुर्वक सहभागीताका लागि अपिल समेत गरेको हो ।
परिषद्ले बेलायतभर विभिन्न संघसस्थाहरु वा बिभिन्न स्वयंसेवकलाई सम्पर्क गरि सहयोग लिन समेत आग्रह गरेको परिषद् अध्यक्ष दिपक श्रेष्ठले जनाए । परिषद्लाई बेलायत सरकार राष्ट्रिय तथ्यांक कार्यालय (ओएनएस) र नेपाल अध्ययन केन्द्र(सिएनएस)युकेले सघाइरहेका छन ।
