
पोर्चुगललगायत १५ वटा ल्याटिन अमेरिकी मुलुकबाट बेलायत आउन रोक
लण्डन । ब्राजिलमा भेटिएको नयाँ खालको कोरोना भाइरसको संक्रमणबाट बच्न बेलायतले पोर्चुगललगायत १५ वटा दक्षिण अमेरिकी मुलुकहरुबाट बेलायत प्रवेशमा रोक लगायतको छ ।
बेलायत सरकारले भोलि बिहान ४ बजेदेखि सो आकस्मिक निर्णय लागू हुने बताएको छ ।
सरकारका अनुसार भोलिदेखि ती देशहरुबाट बेलायतमा हवाइ यात्रा गर्न रोक लगाइएको छ । यसरी यात्रा प्रतिवन्ध लगाइएका मुलुकहरुमा अर्जेन्टिना, ब्राजिल, बोलिभिया, केपभर्ड,चिली, कोलम्बिया, इक्वेडोर, फ्रेन्च गायना, गायना, पनामा, सुरिनाम, पाराग्वे, पेरु, उरुग्वे र भेनेजुयला छन् ।
ब्राजिलसित बाक्लो सम्पर्क भएकाले पोर्चुगलबाट बेलायत प्रवेशमा पनि प्रतिबन्ध लगाउनु परेको बेलायतका यातायात मन्त्री ग्रान्ट सापले जानकारी दिएका छन् ।
ब्रिटिश तथा आइरिस नागरिकहरु, बेलायतको लामो समयको भिसा भएकाहरु, बेलायतका स्थायी बासिन्दाहरुलाई भने बेलायत आउन दिइने बताइएको छ तर उनीहरुले १० दिन आइसोलेसनमा बस्न पर्ने छ ।
यसैगरी पोर्चुगलबाट मालबाहक सवारीसाधन चलाएर आउनेहरुलाई पनि बेलायत आउन दिइनेछ । अत्यावश्यक खाद्य सामग्रीको आपूर्तिमा अवरोध नहोस् भनेर यसो गरिएको बताइएको छ ।
यस्तै दक्षिण अफ्रिकामा भेटिएको कोरोना भाइरसको प्रकार बेलायतमा नभित्रियोस् भनेर नामिबिया, जिम्बाबे, बोत्स्वाना, इस्वाथिनी, जाम्बिया, मलाबी, लेसोथो, मोजाम्बिक, अङ्गोला, सेसेल्स र मरिससबाट बेलायत आउन पनि निषेध गरिएको छ ।
प्रतिक्रिया

सम्बन्धित सामाग्री
- नयाँ भाइरस तीव्र गतिमा फैलिएपछि लण्डन, पूर्वी र दक्षिण पूर्वी इंग्ल्याण्ड टियर ४ मा
- बेलायतमा काम गर्न चाहने विदेशी नागरिकका लागि मङ्गलबारदेखि भिसा आवेदन खुला
- बेलायत सरकारद्वारा गोरखा भूपू सैनिकका लागि नयाँ पेन्सनको प्रस्तावमाथि सुझाव माग
- कोरोना खोपको पहिलो डोज लिएका पुडासैनीलाई कोरोना संक्रमण
- ‘बेलायतमा वर्क पर्मिट खुल्यो भनेर हल्लाको पछि नलागी बुझेर मात्र आउनुहोस्’ : सोलिसिटर दिपक भट्टराई