बान्दार सेरी बेगावान (बुनाई), १६ असोज । ब्रुनाई विदेशी कामदारका लागि रोजगारीको उपयुक्त गन्तव्य भएको छ ।
ब्रुनाईमा अहिले १ लाख विदेशी कामदार कार्यरत रहेको त्यहाँका अधिकारीहरुले जनाएका छन् ।
ब्रुनाईको श्रम विभागका कार्यवाहक आयुक्त हि शरिफुल बहारीले अधिकांश कामदार निर्माण कम्पनीमा कार्यरत रहेको जानकारी दिनुभएको छ ।
निर्माण कम्पनीहरु विदेशी कामदारका लागि लोकप्रिय रहेको सो विभागले जानकारी दिएको छ ।
सरकारी तथ्याङ्कअनुसुार सन् २०१४ मा चार लाख ११ हजार ९ सय जनसङ्ख्या रहेको ब्रुनाईमा धेरै जसो कामदार छिमेकी मुलुक र एसियाली मुलुकबाट गएका छन् ।
जसमा इन्डोनेसिया, फिलिपिन्स र मलेसियाका धेरै रहेका छन् । यस्तै भारत र बङ्गलादेशबाट पनि धेरै कामदार बु्रनाई पुगेका छन् ।
