उजाड छन् बिहानीहरु पतझड उराठ पनि

Pradipउजाड छन् बिहानीहरु पतझड उराठ पनि
बेमौसमी बादल झैँ दिनहरू अनि
बतासिएको जीवन टुटेका भाग्यहरु
धेरै धेरै सपना बिरानो सडकहरु
उजाड छन् बिहानीहरु पतझड उराठ पनि
बेमौसमी बादल झैँ दिनहरू अनि

सांचेर पीडाका आंशुहरु गहभरी पनि
लिएर भक्कानो मुटुमा जीइ रहेछु अनि
हांसोहरुमा हराएका यी आंसुहरु
विगतका यथार्थमा खोजेको भाविष्यहरु
उजाड छन् बिहानीहरु पतझड उराठ पनि
बेमौसमी बादल झैँ दिनहरू अनि

मौनताहरुमा मैले गाएको गीतहरु पनि
आफ्नै शब्दहरुमा बिथोलिएको म अनि
बितेका कुराहरुले सोधेका भाविष्यहरु
यसैगरि बितेका जीवनका अनमोल पलहरु
उजाड छन् बिहानीहरु पतझड उराठ पनि
बेमौसमी बादल झैँ दिनहरू अनि

प्रतिक्रिया

सम्बन्धित सामाग्री