सोमबार, कार्तिक १० २०७७ | Mon, October 26, 2020
नेपालको समय: १२:४९ | UK Time: 07:04

भगवान गौतम बुद्ध जन्मेको नेपालमा

वीनेपाली
२०७३ जेठ ६ गते २०:२९

10382019_760538873966468_7510927321975221160_o

विश्व,
एक आङ ढाक्न
एक बास बस्न
एक गास टार्न
शान्तिको स्वास चाहिन्छ …
बुद्ध जन्मेको पवित्र नेपाली माटोमा
स्वर्णिम
श्रृजनशिल
अतुलनीय बौद्ध दर्शनको
मनमोहक पवन पाइन्छ
शान्तिको स्वास फेर्न आउ विश्व
स्वच्छ सुन्दर अमुल्य प्रकृति छ
बुद्ध जन्मेको नेपालमा, बुद्ध जन्मेको नेपालमा…

तपस्पीहरुको तपो भूमि हो नेपाल
ज्ञानीहरुको ज्ञानभूमि हो नेपाल
कर्मीहरुको कर्मभूमि हो नेपाल
वीरगाथाको पूण्यभूमि हो नेपाल
अनी
फांटहरूको
पहाडरुको
हिमालहरुको
अखण्ड अमर भूमि हो नेपाल
निर्मल गगन छ
कलकल नदी बहन्छ
मनमोहक अनुकरणीय संस्कृति छ
लालीमाले चन्द्र सूर्य ध्वजा
चुमिरहन्छ …चुमिरहन्छ …

माटो हो बुद्ध खेलेको
माटो हो बुद्ध हिंडेको
माटो हो शान्तिमन्त्र श्रृजनाको
पावन भूमि नेपाल
स्वर्ण स्वर्गभूमि नेपाल
भगवान गौतम बुद्ध जन्मेको नेपाल …

आउ विश्व तप गर्न
आउ विश्व जप गर्न
आउ विश्व ध्यान गर्न
आउ विश्व पूजा गर्न
र शान्ति मन्त्र श्रवण गर्न
शान्तिको जल अभिषेक गर्न
शान्तिको प्रसाद ग्रहण गर्न
शान्तिको साश्वत पवित्र मन्दिर
भगवान गौतम बुद्ध जन्मेको नेपालमा …

प्रतिक्रिया

सम्बन्धित सामाग्री

फेसबुक