सयौं फूलका थुंगाहरुमा हराएको मेरो देश

12919003_10154063248656197_163019782_n

श्रीमान गम्भीर गाउंदा गाउंदै

सयौं फूलका थुंगाहरुमा हराएको मेरो देश

प्रजातन्त्र र गणतन्त्र खोज्दा खोज्दै

बन्द र जुलुसको सडकमा ढलेको यो मेरो देश

सिंगापुरको चिल्लो सडक र हङकङको चौडा सडक खोज्दै

धुलो, धुंवा र चक्का जाममा फंसेको यो मेरो देश

मेलम्चीको पानी अनि मरस्याङ्दीको बत्ती कुर्दा कुर्दै

१२ घन्टे लोडसेडिङमा प्यासले तिर्खाएको यो देश

माओवादी, कांग्रेस अनि एमाले आउंदै जांदै

बालुवाटार र बानेश्वरको घुम्ने कुर्सीमा अड्केको मेरो देश

चीनमा प्लेन र बिकास बैंकमा पैसा खोज्दा खोज्दै

करोडपती नेताको घरमा कमारो बनेको यो गरिब देश

चुनाब सकिए संबिधान बन्ला, बजेट आए बिकास होला भन्दै

सत्र, छायालिस साल अनि गणतन्त्रको आन्दोलनमा शहीद बनेछ यो देश

श्री पशुपति नाथले सबैको रक्षा गरुन् भन्दै

बीरेन्द्रको देहावसानमा सालिक बनेको मेरो प्यारो देश

श्रीमान गम्भीर गाउंदा गाउंदै

सयौं फूलका थुंगाहरुमा हराएको मेरो देश

हराएको मेरो देश

 

प्रतिक्रिया

सम्बन्धित सामाग्री