शनिबार, असोज ३ २०७७ | Sat, September 19, 2020
नेपालको समय: ०४:४६ | UK Time: 00:01

लन्डन दूतावासमा एमआरपीका लागि प्रत्यक्ष दर्ता प्रणाली शुरु

वीनेपाली
२०७२ पुष २१ गते ८:०५

Embassy enrolment
लन्डन । लन्डनस्थित नेपाली दूतावासले सोमबारदेखि मेसिन रिडेवल पासपोर्ट (एमआरपी) का लागि प्रत्यक्ष दर्ता प्रणाली अर्थात लाइभ इनरॊलमेन्ट सिस्टम शुभारम्भ गरेको छ ।
परराष्ट्र मन्त्रालयले राहदानी वितरण प्रणाली सहज र द्रुत बनाउन नयां प्रविधि थालनी गरेको करिब महिना दिनपछि लन्डनस्थित दूतावासले पनि लाइभ 
इनरॊलमेन्ट सिस्टम आरम्भ गरेको हो । नेपाल सरकारले नै पठाएको एकजना चिनिया आइटी वीज्ञले सोमबार एक सेट यस्तो मेसिन जडान गरेपछि दुई जनाले लाइभ इन्रोलमेन्टको सेवा लिए । प्रिन्टरसहित नेपालबाट ल्याइएका चार सेट इनरॊलमेन्ट मेसिनमध्ये दुईवटा दूतावास कार्यालयमा जडान गरिने र 
बांकी दुई वटा मोवाइल सेवा (आवश्यक पर्दा ठाउं ठाउं) मा प्रयोग गरिने दूतावासले जनाएको छ ।

यस प्रणाली लागू भएसंगै अब राहदानीका लागि हातले फाराम भर्नुपर्ने झन्झट सकिएको छ भने सबै काम ‘डिजिटलाइज्ड’ हुनेछ । अब राहदानी वाहकको औंठा छाप र हस्ताक्षर मेसिनबाटै लिइनेछ भने तस्विर कम्प्युटरबाटै राखिन्छ । व्यक्तिको सबै विवरण ‘बायोमेट्रिक’ मार्फत सिधै राहदानी विभाग पुग्ने कार्यवहाक नेपाली राजदूत तेजबहादुर क्षेत्रीले जनाए ।

दूतावासले यस प्रणाली लागू भएपछि सेवाग्राहीलाई राहदानी लिन अब सहज र छिटो हुने विश्वास गरेको छ । तर, सर्वसाधारणले भने गत २४ नोभेम्बरको हस्त लिखित राहदानीको समयसीमा अघि लागू गरिनुपर्ने यस्तो प्रणाली अहिले शुरु गरिनुलाई ‘लगन पछिको पोते’ को संज्ञा दिएका छन् । अन्तर्राष्ट्रिय नागरिक उड्ययन संगठन (आइकाओ) को निर्देशन बमोजिम २४ नोभेम्बर अघि एमआरपी लिइसक्नु पर्ने वाध्यताले लन्डनस्थित दूतावासलाई भ्याइ नभ्याइ थियो ।

दूतावासले बढ्दो चाप कम गर्न नेपालीको घनावस्ती भएका प्रमुख शहरमा घुम्ती सेवा नै शुरु गरेको थियो । लन्डन दूतावासबाट मात्रै करिब ३५ हजार एमआरपी जारी भएको जनाइएको छ ।

अन्तर्राष्ट्रिय नागरिक उड्ययन संगठन (आइकाओ) को निर्देशनानुसार नेपालले सन् २०१० देखि एमआरपी राहदानी वितरण सुरु गरेको हो ।

IMG_4584

प्रतिक्रिया

सम्बन्धित सामाग्री

फेसबुक