लन्डन । गायिका इन्दिरा जोशी शुक्रबार बिहान लन्डन उत्रिएकी छिन् । ब्रिटिश गोर्खा नेपलिज काउन्सिलले बेलायतका १३ ठाउंमा गर्ने गोर्खा कल्चरल नाइटमा पर्फर्म गर्न उनी नृत्य निर्देशक गोविन्द राईसहित लन्डन आएकी हुन् । जेट एयरवेजबाट हिथ्रो टर्मिनल फोरमा बिहान सांढे ७ बजे उत्रंदा जोशी र राईलाई आयोजक संस्था ब्रिटिश गोर्खा नेपलिज काउन्सिलकी कलाकार विभाग प्रमुख रोमियन लिम्बु र कार्यक्रम संयोजक भरु पल लिम्बुले स्वागत गरेका थिए ।
कलाकारहरु अहिले फार्नबोरो बसेका छन् । उनीहरुको पहिलो शो भोलि फार्नबोरोस्थित ओकफार्म कम्युनिटी हलमा हुंदैछ ।
यसैबीच, अर्की चर्चित गायिका सुनिता दुलाल पनि इन्दिरासंगै गाउने भएकी छिन् । उनी यही साता लन्डन उत्रने कार्यक्रम छ ।
गोर्खा कल्चरल नाइट फार्नबोरोपछि ३ मा वेल्स्, ८ मा कोल्चेष्टर, ९ मा रेडिङ, १० मा ग्रेज, १६ मा आसफोर्ड, १७ मा विनचेष्टर, २३ मा स्वीन्डन, २४ मा लन्डन, २९ मा ननिटन, ३० मा बेजिङस्टोक र ३१ मा क्याट्रिकमा हुने तय भएको छ ।
