इन्दिराको यूके भिजा लाग्यो

लन्डन । अहिलेकी चर्चित गायिका इन्दिरा जोशीको बेलायत भिजा लागेको छ । ब्रिटिश गोर्खा नेपलिज काउन्सिलले बेलायतका विभिन्न १३ शहरमा गर्ने गोर्खा कल्चरल नाइटका लागि उनी यूके आउन लागेकी हुन् ।

काउन्सिलले यसअघि ज्योति मगरलाई निम्त्याउन लागेपनि उनको भिजा अस्वीकृत भएपछि इन्दिराले चान्स पाएकी हुन् । काउन्सिलकी कलाकार विभाग प्रमुख रोमियन लिम्बुले २ जनवरीमा फार्नबोरोमा इन्दिराको पहिलो कार्यक्रम हुने जनाइन् । जोशीसंगै निर्देशक गोविन्द राई पनि बेलायत आउने लिम्बुले बताइन् । राई नृत्य निर्देशक र नागबेली फिल्मका निर्देशक हुन् । नेपालबाट आउने दुई कलाकार र स्थानीय कलाकारहरुको सहभागितामा कार्यक्रम हुनेछ ।

गोर्खा कल्चरल नाइट २ जनवरीमा फार्नबोरो, ३ मा वेल्स्, ८ मा कोल्चेष्टर, ९ मा रेडिंग, १० मा ग्रेज, १६ मा आसफोर्ड, १७ मा विनचेष्टर, २३ मा स्वीन्डन, २४ मा लन्डन, २९ मा ननिटन, ३० मा बेजिंगस्टोक र ३१ मा क्याट्रिकमा हुने आयोजकले जनाएका छन् ।

काउन्सिलले अर्की चर्चित गायिका सुनिता दुलाललाई पनि यूके ल्याउन भिजा आवेदन दिइएको जनाएको छ । काउन्सिलका अध्यक्ष एकराज नेम्वांगले कार्यक्रममा सहभागी भइदिन सबैमा आग्रह गरेका छन् ।