बुधबार, असोज १४ २०७७ | Wed, September 30, 2020
नेपालको समय: २३:१३ | UK Time: 18:28

गुल्मेलीको सहयोग नेपालका अपांगलाई

वीनेपाली
२०७२ मंसिर २१ गते १:२९

12351898_10205324217613788_1457977189_o

लन्डन । आफ्नो जन्मभूमिलाई बढि नै माया गर्ने बेलायतका गुल्मेलीले आइतबार एक च्यारिटी डिनर कार्यक्रम गरेका छन् । गुल्मी जिल्ला समाज यूकेले नेपालका अपांग, असहायको सहयोगार्थ साउथ इष्ट लन्डनको सिडेनहाम चर्चमा च्यारिटी गरेको हो ।

विश्व अपांग दिवसका अवसरमा आयोजित च्यारिटी डिनरबाट करिब तीन हजार पाउण्ड संकलन भएको छ । विगतका तुलनामा उपस्थिति केही न्यून देखिएपनि अपेक्षा गरे भन्दा बढि रकम संकलन भएको समाजले जनाएको छ । खर्च कटाएर बचेको रकम नेपाल पठाइने छ ।

च्यारिटी डिनरका प्रमुख अतिथी कार्यवहाक राजदूत तेजबहादुर क्षेत्रीले बेलायतका गुल्मेलीहरुको सामाजिक कामको तारिफ गरे । उनले अपांगहरुको सहयोगार्थ समाजले गरेको कार्यक्रममा तीन वर्ष यता निरन्तर सहभागी भइरहेको जनाउंदै नेपालमा अपहेलित र उपेक्षित अपांग समुदायको सहयोग गरेर समाजले प्रशंसनीय कार्य गरेको जनाए । क्षेत्रीले रिबन काटेर समाज यूके च्यारिटीमा दर्ता भएको औपचारिक घोषणा समेत गरे ।

 

कार्यक्रमका विशेष अतिथी एनआरएनए यूके अध्यक्ष मुछेत्र गुरुङले गुल्मेलीहरुको सहयोगी भावनाबाट एनआरएनए यूकेले ठूलो अपेक्षा 
राखेको जनाए । उनले एनआरएनए यूकेको महत्वाकांक्षी नेपाल हाउस प्रोजेक्टमा बेलायतवासी गुल्मेलीहरुलाई सक्दो सहयोग गर्न पनि आग्रह गरे ।
कार्यक्रमका सभापति एवं समाजका अध्यक्ष अर्जुन गौतमले समाजले मातृभूमिका लागि हालसम्म गरेका गतिविधिहरु प्रस्तुत गर्दै सहयोगी सबैप्रति आभार व्यक्त गरे । उनले समाजले वर्ष दिनमा मात्र यस्ता च्यारिटी कार्यक्रम गर्ने नभई गुल्मेलीहरु नेपाल जांदा प्रत्येक पटक केही न केही सहयोग गरेर फर्कने गरेको स्मरण गरे । उनले अपांगहरुका लागि पनि केही सहयोग गर्नुपर्ने दायित्व आफूहरुको भएकाले वर्षेनी च्यारिटी कार्यक्रम गरिएको समेत जनाए । समाजका सल्लाहकार एवं कार्यक्रम संयोजक बालजंग अर्यालले दाताहरुको विवरण प्रस्तुत गरेका थिए भने समाजका संस्थापक अध्यक्ष ओमप्रसाद थापा, सल्लाहकार दुर्गा पाण्डेले शुभकामना मन्तव्य दिए ।

समाजका महासचिव राम गलामी र सचिव शिव भण्डारीले सञ्चालन गरेको औपचारिक कार्यक्रममा समाजका उपाध्यक्ष केशव भण्डारीले स्वागत मन्तव्य दिएका थिए ।

दोश्रो चरणमा मन्जु भण्डारी खरेलले सञ्चालन गरेको सांस्कृतिक कार्यक्रममा जेनी भट्टराई, प्रमिला केसी, श्रेया खरेल लगायतले नृत्य प्रस्तुत गरे भने अन्य प्रतिभाले गायन प्रस्तुत गरेका थिए । कार्यक्रममा गोकुल 
भण्डारी र सेतोपाटीका बेलायत संयोजक फडिन्द्र भट्टराईले कविता वाचन गरे ।

कार्यक्रम अवधिभर प्रथम नौमती बाजा यूकेको पञ्चेबाजा धुन र अन्तिमतिर डिजे हेम विष्टको गीत संगीतले चिसिंदो मौसम तातेको 
थियो । उक्त अवसरमा राजन खरेलले राफल चिट्ठा खेलाएका थिए । समाजले आफ्नो संस्थाबाट एनआरएनए यूकेमा सल्लाहकार मनोनित भएका र प्रायोजकहरुलाई सम्मान समेत गरेको थियो ।

12355740_10205324234214203_271798626_o

12336126_10205324250014598_685145463_n

तस्विरहरुः शिव भण्डारी

प्रतिक्रिया

सम्बन्धित सामाग्री

फेसबुक