लन्डन । मदनकृष्ण श्रेष्ठ, हरिवंश आचार्य (मह जोडी) लगायत कलाकार सम्मिलित मह यात्रामा सहभागी लोकगायक बद्री पंगेनीलाई आयोजकले हेपेका छन् ।
बेलायतमा आयोजित मह यात्रामा गायिका अन्जु पन्तको भिसा नलागेपछि उनको ‘रिप्लेस्मेन्ट’ मा बोलाइएका गायक पंगेनीलाई आयोजकले धन्यवाद समेत नभनेका हुन् ।
महयात्रा सम्पन्न भएपछि कार्यक्रम संयोजक कुल आचार्यले एक विज्ञप्ति प्रकाशित गर्दै मह यात्रामा संलग्न मह जोडी, नरेन्द्र कंसाकार, मोहित आचार्य, मिडिया, प्रायोजक र अन्य सबै सहयोगीलाई कृतज्ञता व्यक्त गरे तर धेरै दर्शक बटुल्ने गायक पंगेनीको भने एक शब्द पनि उच्चारण गरेनन् । संयोजक आचार्यले आफ्नो फेसबुकमा उक्त प्रेस विज्ञप्ति अपडेट गरेपछि गायक पंगेनीले कमेन्ट्स गर्दै ‘दाइ उक्त कार्यक्रममा तपाईंले भुलेपनि एउटा सानो गायक बद्री पंगेनी पनि थियो है’ भनेका छन् । बरु, पंगेनीले उल्टै आयोजकलाई धन्यवाद दिएका छन् । आचार्यले भने पंगेनीको जवाफ दिएका छैनन् ।
गायक पंगेनीले वी नेपाली डट कमसँग कुरा गर्दै आयोजकले वास्ता नगरेकामा दुःख लागेको बताए । आयोजकहरुले भुलेपनि मह यात्रामा सहभागी भएर दर्शकको माया बटुल्न सकेकोमा खुशी नै थिए पंगेनी । अल्डरसट, ह्यारो, उलीच र फोकस्टोनमा आयोजित महयात्रामा पंगेनीको लोक गायनलाई धेरैले रुचाए । उनका अझै लन्डन, स्कटल्याण्ड लगायत ठाउँमा आधा दर्जन बढी कन्सर्ट हुँदैछन् ।
आइसिसी विश्वकप क्रिकेट लिग-२ : नेपाल अमेरिकासँग ४ विकेटले पराजित
गैरआवासीय नेपाली लगानीकर्तालाई समेट्नुपर्नेमा एडीपीको जोड
एनआरएनए हङकङद्वारा ईको कविता प्रतियोगिता आयोजना, विश्वभरका नेपाली साहित्यकारले भाग लिन पाउने
पत्रकार –साहित्यकार वाग्लेको ‘कोरियाना कफी गफ’ अब अंग्रेजीमा
बेलायतका राजकुमार एन्ड्रूको उपाधि खोसियो
बेलायतको ननिटनका मेयर भूतपूर्व गोर्खा क्याप्टेन सारू सिंहदरबारमा सम्मानित
जीआरएनसी यूकेले भवन खरिद प्रक्रिया अघि बढायो, पूर्वअध्यक्ष बेल्वासेको संयोजकत्वमा समिति गठन
आदिवासी जनजाति महासंघ क्यालिफोर्नियाको अध्यक्षमा कुमार दोङ
‘हिडन भ्याली’मा अलपत्र परेका तीन बेलायती महिलासहित १२ स्वदेशी पर्यटकको उद्धार प्रयास जारी : नेपाली सेना
बेलायतमा तमु समाज यूकेले यस वर्ष पनि खेल्यो देउसी-भैलो
