‘सुप्रमा–ईप्रमा अन्तर्राष्ट्रिय पुरस्कार–२०८१’का लागि उत्कृष्ट १० कृति सार्वजनिक

लन्डन । अन्तर्राष्ट्रिय नेपाली साहित्य समाज, बेलायत च्याप्टरद्वारा प्रदान गरिँदै आएको ‘सुप्रमा–ईप्रमा अन्तर्राष्ट्रिय पुरस्कार–२०८१’ का लागि प्राप्त पुस्तकहरूमध्येबाट उत्कृष्ट १० कृतिहरूको सूची सार्वजनिक गरिएको छ ।
समाजद्वारा गठित निर्णायक समितिले विस्तृत मूल्यांकनपछि छानिएका १० उत्कृष्ट पुस्तकहरूको सूची बिहीबार सार्वजनिक गरेको हो । अब तीमध्ये एक कृतिलाई अगस्ट ५ मा अन्तिम विजेता घोषणा गरिने जनाइएको छ ।

विजेता घोषणा भइसकेपछी आगामी अगस्ट ९ तारिख लन्डनमा आयोजना गरिने भानु तथा ईश्वर जयन्ती कार्यक्रमका अवसरमा पुरस्कृत गरिने जानकारी पुरस्कार समितिका संयोजक रुपक श्रेष्ठले जानकारी दिनुभयो ।

सूचीमा समावेश कृतिहरू यस प्रकार छन्:
१. श्रीधर खनाल – सावर्णि (उपन्यास)
२. ठाकुर बेलवासे – छोटहरुको उत्सव (कवितासंग्रह)
३. जीत बुढाथोकी छन्त्याल – यानीमाया (मुक्तकसंग्रह)
४. लालगोपाल सुवेदी – अति प्रतीत्य समुत्पाद–शून्य शून्य महाशून्य (कवितासंग्रह)
५. सूर्य खड्का विखर्ची – अर्जुन–उलूपी (खण्डकाव्य)
६. डा. राजकुमार छेत्री – अक्षरका आयाम (भूमिका संग्रह)
७. सुमन थापा ‘संगम’ – अभ्युदय (कवितासंग्रह)
८. सबी श्रेष्ठ – अपरिभाषित आभा (मुक्तकसंग्रह)
९. खगेन्द्र गिरी ‘कोपिला’ – पर्जन्य मास (नियात्रासंग्रह)
१०. विजय हितान – मलाई आर्यघाट लगेर नजलाउनू (कवितासंग्रह)