अल्डरसटमा अगस्ट ३०-३१ मा व्यवसाय र संस्था सफल बनाउनेबारे तालिम हुने

लन्डन । व्यवसाय र संघसंस्थालाई सफल तथा प्रभावकारी बनाउने उद्देश्यले माउस टेल वेब सर्भिसेसले आगामी अगस्ट अन्तिम साता दुई दिने विशेष तालिम सञ्चालन गर्ने भएको छ ।

नेपाली समुदायलाई लक्षित गर्दै आयोजना गरिने उक्त तालिम शनिबार ३० र आइतबार ३१ अगस्ट २०२५ मा भौतिक, जूम र हाइब्रिड माध्यमबाट सञ्चालन गरिनेछ । कार्यक्रमका आयोजक तथा माउस टेल वेब सर्भिसेसका प्रोपाइटर मानबहादुर गुरुङका अनुसार तालिममा व्यापार कसरी सफल बनाउने, संघसंस्था कसरी संगठित, सुदृढ र प्रभावकारी बनाउने भन्ने विषयमा प्रशिक्षण दिइनेछ।

तालिममा नेतृत्व विकास, रणनीति निर्माण, संस्थागत संरचना, नवप्रतिभा परिचालन, कार्यस्थलमा खुसी र सन्तुलन, स्वास्थ्य, वित्तीय व्यवस्थापन, विज्ञापन र ब्रान्डिङ जस्ता महत्वपूर्ण पक्षहरू समेटिनेछ ।

तालिम अल्डरसटमा बिहान १० देखि दिउँसो ३ बजेसम्म हुनेछ । संस्थागत ४९५ र व्यक्तिगत ३९५ पाउन्ड शुल्क लाग्ने जनाइएको छ ।

प्रशिक्षकका रूपमा एमबीए तथा एमए इन इन्टरनेशनल ह्युमन रिसोर्स म्यानेजमेन्ट र सामुदायिक नेतृत्वमा विशेषज्ञता हासिल गरेका मान गुरुङसहित अन्य अनुभवी व्यावसायिक व्यक्तित्वहरूको सहभागिता रहनेछ ।

नेपाल समुदायलाई प्रभावकारी नेतृत्व र संस्थागत सुदृढीकरणमा प्रेरित गर्न यो तालिम महत्त्वपूर्ण हुने आयोजकले जनाएका छन् ।