एनआएनए यूकेका अध्यक्षका लागि पुडासैनी,खत्री र खरेलबीच प्रतिस्पर्धा [हेर्नुहोस् उम्मेदवारहरुको नामावली]

लन्डन । गैरआवासीय नेपाली संघ (एनआरएनए) राष्ट्रिय समन्वय समिति यूकेको अध्यक्षमा तीन जनाबीच प्रतिस्पर्धा हुने भएको छ ।

निर्वाचन समितिले बुधबार सार्वजनिक अन्तिम नामावलीअनुसार अध्यक्षमा राजेन्द्र पुडासैनी, मनिष खत्री र गोविन्द शर्मा खरेलबीच प्रतिस्पर्धा हुने भएको हो । खुला उपाध्यक्षमा पनि उम्मेदवारी दिएका ५ जनाको उम्मेदवारी कायम भएको छ । दुई जना निर्वाचित हुने यस पदमा डा.रक्षा थापा, तिलकराम भट्टराई, शम्भुप्रसाद अर्याल, उज्ज्वल कार्की र ज्ञानेन्द्र आले उम्मेदवार हुनुहुन्छ ।

आइतबार बिहान १० देखि बेलुकी ५ बजेसम्म भएको मनोनयन दर्ता भएको थियो । एनआरएनए यूकेको नयाँ नेतृत्वका लागि २६ जुलाईमा अनलाइनमार्फत मतदान हुँदैछ ।