मनोक्रान्ति प्रणेताले मार्च २२ मा बेलायतसहितका साधक/साधिकालाई प्रशिक्षण दिने

लन्डन । मनोक्रान्ति प्रणेता डा. योगी विकाशानन्दले आउँदो शनिबार बेलायत सहितका मनोक्रान्तिप्रेमीलाई पनि प्रशिक्षण दिनु हुने भएको छ ।

मनोक्रान्ति टिम युकेको आयोजनामा यही मार्च २२ मा भर्चुअलमार्फत हुने कार्यक्रममा डा. योगी विकाशानन्दले प्रवचन दिन लाग्नुभएको हो । उहाँले स्वस्थ र आनन्द जीवन जिउने कला (स्ट्रेस म्यानेजमेन्ट)को बारेमा प्रशिक्षण दिने मनोक्रान्ति बेलायत संयोजक नगेन्द्र नेम्वाङले जानकारी दिनुभयो ।

उहाँले भन्नुभयो, ‘आउँदो शनिबार मार्च २२ तारिख सदाझैं यूके समय बिहान ७-८ बजे भर्चुअल जुममार्फत स्वस्थ र आनन्द जीवन जिउने कलाबारेमा श्रद्धेय गुरुङ डा योगी विकाशानन्दज्यूले मनोक्रान्तिका साधक/साधिकाहरुलाई प्रशिक्षण दिनुहुने कार्यक्रम छ ।’

कार्यक्रममा मनोक्रान्तिप्रेमी साधक साधिकाहरु नेपाल, यूके, युरोप नेदरल्यान्ड, पोर्चुगल, जर्मन र स्पेनबाट पनि जोडिँदै आएका छन् । इच्छुकले मिटिङ आईडी प्रयोग गरेर नि:शुल्क जोडिन सकिने र पूर्णलाभ लिन सकिने आयोजकको भनाइ छ ।