नेपाल तामाङ घेदुङमा नयाँ कार्यसमिति निर्वाचित, अध्यक्षमा रामकृष्ण ब्लोन [सूचीसहित]

काठमाडौं । नेपाल तामाङ घेदुङको अध्यक्षमा रामकृष्ण ब्लोन तामाङ निर्वाचित हुनुभएको छ ।

काठमाडौंमा तीन दिनसम्म चलेको घेदुङको १० औं महाधिवेशनले ब्लोनको नेतृत्वमा नयाँ कार्यसमिति चयन गरेको हो । नयाँ नेतृत्वका लागि आइतबार भएको निर्वाचनमा अध्यक्षमा विजयी ब्लोनले ३०६ मत प्राप्त गर्नुभयो । उहाँका निकटतम् प्रतिस्पर्धी कुमारसिंह घिसिङले ९८ मत प्राप्त गर्नुभयो ।

सहअध्यक्षमा सरोजमोहन लामा निर्विरोध निर्वाचित हुनुभयो भने वरिष्ठ उपाध्यक्षमा सन्चु ब्लोन तामाङ निर्वाचित हुनुभयो ।

खुलातर्फ ५ उपाध्यक्षमा काजीमान थिङ, दिनेशकुमार लो, पासाङदोर्जे लामा, प्रेम लो तामाङ, रुपबहादुर योञ्जन निर्वाचित हुनुभयो महिला उपाध्यक्षमा दिना लामा र बिना माम्बा तामाङ निर्वाचित हुनुभएको निर्वाचन समितिले जनाएको छ ।

महासचिवमा लीलाकुमार घलान निर्विरोध निर्वाचित हुनुभएको भएको छ । नवनिर्वाचित कार्यसमितिलाई आइतबार नै प्रमुख निर्वाचन आयुक्त अधिवक्ता कुन्साङ योन्जनले पद तथा गोपनियताको शपथग्रहण गराउनुभयो । घेदुङको महाधिवेशन शुक्रबारदेखि सुरु भएको थियो ।

विस्तृतमा हेर्नुहोला परिणाम