बेलायतमा राजेश पायल राईको एकल साँझ नोभेम्बर १२ मा हुँदै

लण्डन । बेलायतमा सुप्रसिद्ध गायक राजेश पायल राईको एकल सांगीतिक साँझ नोभेम्बर १२ मा हुने भएको छ ।

आयोजक संस्था किरात राई यायोक्खा बेलायतले सो जानकारी दिएको हो । कार्यक्रम अल्डरसटस्थित एम्पायर हलमा साँझ ६ बजेदेखि हुनेछ ।

राईको सो कार्यक्रम यसअघि जुलाई २४ मा आयोजना गरिने तय भएको भए पनि अन्तिम समयमा स्थगित गरिएको थियो । कार्यक्रम स्थगन गर्नु परेको बारेमा गायक राजेश पायल राईले एक भिडियोमार्फत जानकारी दिइसकेका छन् ।

आयोजकका अनुसार सो कार्यक्रममा राईको एकल सांगीतिक साँझका साथै उनको सम्मान पनि हुनेछ । कार्यक्रमलाई भब्य, आकर्षक र अझ जीवन्त बनाउन बेलायतकै उत्कृष्ट वाद्यवादकहरुको प्रत्यक्ष ब्याण्डसमेत व्यवस्था गरिएको आयोजकले बताएका छन् ।

कार्यक्रमको टिकट अग्रीम बुकिङमा २० पाउण्ड कार्यक्रम स्थलमा २५ पाउण्ड र भिआइपी टिकटका लागि ५० पाउण्ड तोकिएको छ ।