प्रधानमन्त्री देउवा र बेलायतका विदेश राज्यमन्त्रीबीच टेलिफोन वार्ता

लण्डन । बेलायतमा गत महिना नयाँ प्रधानमन्त्री चयन भएपछि गठित सरकारका मन्त्रीहरुले नयाँ सरकारको नीतिका बारेमा आफ्नो कार्यक्षेत्रमा जानकारी गराउने क्रममा दक्षिण एसियासमेत हेर्ने विदेश राज्यमन्त्रीले आज नेपालका प्रधानमन्त्री शेरबहादुर देउवासित टेलिफोन वार्ता गरेका छन् ।

बेलायतका विदेश राज्यमन्त्री लर्ड अहमदले आज बिहान प्रधानमन्त्री देउवासित टेलिफोन कुराकानी भएको र दुई देशबीचको सम्बन्ध सुमधुर बनाउने विषयमा कुराकानी भएको जनाएका छन् । उनले द्विपक्षीय चासोका विषयमा पनि कुराकानी भएको बताएका छन् ।

नेपाल र बेलायतबीच दुई दशकभन्दा लामो समयदेखि द्विपक्षीय सम्बन्ध रहिआएको छ । तर गोरखा भूतपूर्व सैनिकका समस्या पनि लामो समयदेखि थाँती नै रहेको छ । वार्तामा गोरखाहरुका बारेमा हुने भनिएको द्विपक्षीय वार्ता शुरु हुन नसकेको बारेमा भने कुरा भए नभएको केही बताइएको छैन ।