गायक राजु लामाले गरे सगरमाथा आरोहण

लण्डन । मंगोलियन हार्ट ब्याण्डका लोकप्रिय गायक राजु लामाले सगरमाथाको सफल आरोहण गरेका छन्।

उनी आज बिहान ६ बजेर ४० मिनेटमा सगरमाथाको शिखरमा पुगेको उनको आरोहणको आयोजकले बताएका छन् । उनीसहित अरु २६ जना पनि चुचुरोमा पुगेको बताइएको छ ।

लामाले सगरमाथा आरोहण गर्न जाने क्रममा ६ हजार ५७४ मिटरमा रहेको क्याम्प ३ मा कन्सर्ट पनि गरेका थिए । लामाले जलवायु परिवर्तनप्रति चेतना जगाउन सगरमाथा आरोहण गरेको बताएका छन् ।