ए स्टारले मोर्गेज र प्रोपर्टी मार्केटबारे वेविनार गर्दै

लण्डन । ए स्टार फाइनान्सियल सोलुसन्सले बेलायतमा घर किनबेचको पछिल्लो अवस्थाका बारेमा एक वेविनारको आयोजना गरेको छ ।

मगर संघ केन्ट शाखासित मिलेर आयोजना गरिएको सो वेविनार आइतबार (मार्च ६) तारिखका दिन बिहान ११ बजे हुनेछ ।

जुमबाट हुने सो वेविनारमा बेलायतका साथै ब्रुनाइ र अन्य स्थानबाट पनि सहभागी हुने बताइएको छ ।

वेविनारमा मोर्गेज र प्रोपर्टी मार्केटको ताजा अवस्था, पहिलोपटक घर किन्दा ध्यान दिनुपर्ने पक्षहरू, भाडामा लगाउने घर किन्दा ख्याल गर्नुपर्ने कुराहरू, घरमा गरिने लगानी, कम्पनीबाट घर किन्ने तरिका लगायतका विषयमा विज्ञहरूले जानकारी दिनेछन्।

सहभागीहरूलाई आफूलाई लागेको जिज्ञासा सीधै सोध्नसक्ने अवसर पनि उपलब्ध हुने आयोजकले बताएका छन् ।

वेविनारमा सीट सीमित भएकाले समयमै रजिष्टर गर्न आह्वान गरिएको छ ।