इभाना मानन्धर बनिन् मिस नेपाल

काठमाडौं। न्यूरोड भोटेबहालकी इभाना मानन्धर मिस नेपाल २०१५ बनेकी छिन्। १८ प्रतिस्पर्धीलाई पछि पार्दै मानन्धरले उपाधि जितेकी हुन्। शनिबार राति होटल अन्नपूर्णमा आयोजित कार्यक्रममा मिस नेपाल २०१४ सुविन लिम्बुले मानन्धरलाई सुन्दरी प्रतियोगिताको क्राउन लगाइदिइन्।

मानन्धर अमेरिकामा बजारशास्त्रमा स्नातक गर्दै छिन्। प्रतियोगितामा सहभागी हुन नेपाल आएकी मानन्धरले उपाधिसँगै एक लाख रुपैया हात पारेकी छिन्। दिव्यता वैद्य पहिलो रनर अप र मेधा कोइराला सेकेन्ड रनर अप बनेकी छिन्।