एनआरएनए इङ्ल्याण्ड राज्य परिषदको अधिवेसन जुलाई १२ मा

लण्डन । गैर-आवासीय नेपाली संघ इङल्याण्ड राज्य समन्वय परिषद पहिलो अधिवेसन जुलाई १२ मा हुने भएको छ ।

लकडाउनका कारण भौतिक रुपमा उपस्थित भएर अधिवेसन सम्पन्न गर्न सम्भव नभएकाले भर्चुअल रुपमा सो अधिवेसन गरिने परिषद्का अध्यक्ष दीपक श्रेष्ठ तथा सचिव गोविन्द खरेलले जनाएका छन् । सो अधिवेसनमा सहभागी भइदिन पनि परिषदले इङल्याण्डबासी नेपालीहरुसमक्ष अनुरोध गरेको छ ।

अधिवेसनमा परिषदले दुई वर्षको कार्यकाल भित्र गरिएका कार्यक्रमहरु तथा आयव्ययको प्रतिवेदनहरु प्रस्तुत गरिने छ । साथै राज्यपरिषद्वारा चलाइएको बेलायतको जनगणना अभियानमा सहयोग गर्नुहुने स्वयंसेवकहरु तथा साइकल र्यालीमा सहभागी साईकल यात्रीहरुलाई प्रमाणपत्र वितरण गरिने छ।

अधिवेसनको प्रमुख अतिथि गैरआवासीय नेपाली संघ यूकेकी अध्यक्ष श्रीमती पूनम गुरुङ रहने छिन् ।