आरजीएनएसको कार्यसमिति सर्वसम्मत, आइतबार औपचारिक पदभार ग्रहण

लन्डन । लण्डनको दक्षिण पुर्बमा बसोबास गर्ने नेपालीहरुको संस्था ‘रोयल बरो अफ ग्रीनवीच नेप्लिज् सोसाइटी’ (आरजीएनएस) को अध्यक्ष जीत रानाभाटसहित कार्यसमिति नै निर्विरोध छानिएको छ ।
आगामी नेतृत्वका लागि निर्वाचन गर्ने तयारीमा रहेको आरजीएनएसको सबै पदहरुमा विधान अनुसार नै उम्मेदवारी परेपछि अध्यक्ष पदमा रानाभाटलगायत सबै निर्विरोध भएका हुन् ।

रानाभाट आरजीएनएसको पुर्व उपाध्यक्ष हुन । उनी गैरआवासीय नेपाली संघ बेलायतमा पनि अहिले सचिव छन् । निर्वाचन समितिले बिहीबार दिउँसो प्रकाशित गरेको उम्मेदवारको पहिलो नामावलीअनुसार अध्यक्षसंगै १५ सदस्यीय कार्यसमिति निर्विरोध छानिएको छ । कार्यसमितिका दुई उपाध्यक्षमा लिलादेवी गुरुङ र पुण्य रेग्मी, महासचिव मञ्जु भण्डारी छानिएकी छिन । यसअघि गुरुङ उपाध्यक्ष थिइन भने भण्डारी महासचिव थिइन ।

सचिवमा खेमराज रानाभाट, कोषाध्यक्षमा रुद्रपसाद गौतम र सहकोषाध्यक्षमा दिलु थापा छन् । सदस्यहरुमा विष्णुमाया गुरुङ, दिलिप पौडेल, कमल राना र राम पाण्डेको उम्मेदवारी परेको थियो । वाँकी चार सदस्य पदहरु पछि मनोनित गरिने छ ।
आगामी आइतबार
जुम मार्फत भर्चुअल रुपमा गरिने चौंथो अधिवेशनले औपचारिक रुपमा नयाँ कार्यसमिति निर्वाचित गर्नेछ । संस्थाका वार्षिक, आर्थिक प्रतिवेदनहरुका साथै विधान संशोधनको प्रस्तावमा पनि छलफल हुने कार्यक्रम छ । नयाँ कार्यसमितिको निर्वाचन कर्ण शाहीको संयोजकत्व, राजन खकुराल, सहदेव गिरी र श्याम शेरचन सदस्य छन् भने फडिन्द्र भट्टराई सदस्यसचिव छन् ।