सर्वोच्च अदालतको प्रधानन्यायाधीशमा डा. मनोजकुमार शर्मा नियुक्त

काठमाडौं । नेपालको सर्वोच्च अदालतको प्रधानन्यायाधीशमा डा. मनोजकुमार शर्मा नियुक्त हुनुभएको छ । शर्मालाई मंगलबार राष्ट्रपति रामचन्द्र पौडेलले नियुक्त गर्नुभएको हो ।

संसदीय सुनुवाइबाट अनुमोदित प्रधानन्यायाधीश डा. शर्माले मंगलबार नै राष्ट्रपति भवनमा आयोजित एक समारोहमा पद तथा गोपनियताको शपथ लिनुभएको छ ।

संवैधानिक परिषद्ले न्याय परिषद्ले पठाएका ६ जनाको नाम मध्ये हाल सर्वोच्च अदालतमा चौथो वरीयतामा रहेका न्यायाधीश शर्मालाई प्रधानन्यायाधीश बनाउने निर्णय गरेको थियो ।