ड्यारेन भ्याली अस्पतालद्वारा र्डाटफोर्ड नेपाली समाजको प्रसंसा

केन्ट । ड्यारेन भ्याली अस्पताल र फ्रन्ट लाइन एनएचएस स्टाफहरुले डार्टफोर्ड नेपाली समाज (डिएनसी) लाई सम्मानका लागि धन्यवाद दिएका छन । डिएनसीले कोरोना महामारीका बेला मानव जीवन जोगाउन स्वास्थ्यकर्मीले खेलेको भुमिकाको सांकेतिक रुपमा सम्मान स्वरुप मंगलबार २ सय ५ लंच बक्स वितरण गरेपछि धन्यवाद पाएको हो ।
ड्यारेन भ्याली अस्पतालका कर्मचारीले गोर्खा क्वललाई पनि मिठो खानाका लागि समेत विशेष धन्यवाद दिए । गोर्खा क्लवको उत्कष्ट खानाको प्रसंसा गर्दै एनएचएस कर्मचारीहरुलाई गर्नु भएको माया र सम्मानले खुसी तुल्याएको जवाफ अस्पतालबाट पाएको डिएनसीका अध्यक्ष गजेन कटवालले बताए । उनले यस्तो पुनित कार्यमा सघाउने सम्पूर्ण डार्टफोर्डबासि नेपाली समुदायप्रति र ‘वेल बिइङ टीम’ प्रति आभार प्रकट गरे । ‘कुनै नाफा नराखी लागत मुल्यमा खाना तयारी गरि दिने गोर्खा क्लब परिवारका मनिष श्रेष्ठसहित वहाँको टिम तथा सम्पूर्ण आन्तरिक बितरणको व्यवस्था गरिदिने माडेलेनिन एंडरसनको स्वयम्सेवक टिमप्रति धन्यवाद दिन्छु’, उनले भने ।
अस्पतालमा लन्च बक्स वितरणका लागि अध्यक्ष कटवाल, महासचिव लेखनाथ खरेल, सास्कृतिक संयोजक सुनिता थापा र कोषाध्यक्ष हरि  हड्खलेसहितको टोली पुगेको थियो । गोर्खा क्वलका तर्फबाट स्वयंसेवक पासा पुच: गुठी युकेको पुर्व अध्यक्ष कुमार श्रेष्ठ र समाजसेवी सिम्मी पुनसहितको टोलीले खाना हस्तान्तरण गरेको थियो । समाजिक दुरी कायम गरि सवै काम गरेको डिएनसीले जनायो । यसअघि डिएनसीले आफ्ना सदस्यहरु सँग एनएचएसको सम्मान स्वरुप सांकेतिक रुपमा लन्च बक्स वितरणका लागि ऐच्छिक रुपमा आर्थिक सहयोग संकलन गरेको थियो ।