जनगणनामा सतप्रतिशत सहभागिता गराउने अभियान : इंग्ल्याण्ड राज्यपरिषद्

लण्डन । गैरआवासीय नेपाली संघ इंग्ल्याण्ड राज्यपरिषद्ले आगामी २१ मार्चमा हुने बेलायतस्थित नेपाली समुदायलाई राष्ट्रिय जनगणनामा सतप्रतिशत सहभागिता गराउने अभियान जारी राखेको छ।

बेलायतको इङल्याण्ड, वेल्स र नर्दन आयरल्याण्डमा २१ मार्चमा हुन गइरहेको जनगणनामा बेलायतमामा बसोबास गर्ने नेपाली समुदायको सहभागि गराउने आज आइतबार भर्चुअल जुम अन्तरक्रिया आयोजना गरेको हो । ‘जनगणनामा नेपाली समुदायलाई कसरी सहभागी गराउन सकिन्छ भन्ने बारेमा सामाजिक अगुवाहरु सँग विशेष जानकारी र प्रश्नोत्तर कार्यक्रम भर्चुअल रुपमा गर्न लागिएको हो’, इंग्ल्याण्ड राज्यपरिषद्का अध्यक्ष दिपक श्रेष्ठ भने ।

गैर आवासीय नेपाली संघ यूके, राज्य समन्वय परिषद इंग्ल्याण्ड राज्य समन्वय परिषदका अनुसार बिहान ११ बजे सुरु हुने भर्चुअल बैठकमा उपस्थितिका लागि सवैमा आग्रह छ । जुम अन्तरक्रियाको क्षमता करीव ५ सय जना प्रत्यक्ष सहभागी हन सक्नेछन ।