को को मनोनित भए एमाले केन्द्रिय कमिटीमा

काठमाडौ। नेकपा एमाले स्थायी कमिटीले दसजना मनोनित केन्द्रीय सदस्य थप्दै केन्द्रीय कमिटीलाई पूर्णता दिएको छ। अध्यक्ष केपी शर्मा ओलीले प्रस्तुत गरेको नामलाई बुधबार भएको स्थायी कमिटीको बैठकले अनुमोदन गरेको हो । महासचिव ईश्वर पोखरेलले जारी गरेको विज्ञिप्तमा अध्यक्ष ओलीले नेताहरुसँग परामर्शबाट अध्यक्षले प्रस्ताव प्रस्तुत गरेको उल्लेख छ ।तर, नेता माधवकुमार नेपालसहित नेताहरुले पार्टी अध्यक्षले प्रस्तुत गरेको नामावली समावेशी नभएको र पार्टी एकताको सन्देश नदिन भन्दै विरोध जनाएका छन् ।

मनोनित केन्द्रीय सदस्यहरुमा केदार न्यौपाने, घनेन्द्र बस्नेत, देवराज घिमिरे, कृष्णगोपाल श्रेष्ठ, कल्याणी खड्का, प्रमेश हमाल, सुमन प्याकुरेल, हरि पराजुली, रामकुमार ज्ञवाली, जया घिमिरे छन् ।मनोनयनसहित पूर्णतर्फ सबै स्थान पूर्ति भएको छ ।